Glikozidlar

Dorivor preparatlari. Barg damlamasi, murakkab sano damlamasi (Vena ichimligi), quruq ekstrakt (tabletka holida chiqariladi), senadeksin, senade, glaksena (tabletka holida chiqariladi), bargdan tayyorlangan kukun - murakkab qizilmiya (chu-chukmiya) kukuni, sano bargi va mevasi kafiol murakkab preparat tarkibiga kiradi. Meva tarkibida smola bo’lmagani uchun u ancha yumshoq ta’sir ko’rsatadi.
Sano surgi sifatida ishlatiladigan va bavosil kasalligida qo’llaniladigan choy-yig’malar tarkibiga kiradi.
Daraxtsimon aloyning quritilmagan va quritilgan
Bargi - folia aloyos arborescens recens et siccum,
Daraxtsimon aloyning quritilmagan yon
Novdalari - cormus lateralis aloyos

Arborescens recens. Sabur – aloyo

D araxtsimon aloe - Aloyo arborescens Mill.; lolaguldoshlar - Liliaceae oilasiga kiradi. Daraxtsimon aloe bo’yi 4 m ga yetadigan, sershira, doim yashil daraxtsimon o’simlik. Ildizi silindrsimon, kulrang-qizg’ish, sershox. Poyasi tik o’suvchi, pastki qismi shoxlangan. Poyasining asos qismidan chiqqan juda ko’p yon kurtaklar o’simlikning vegetativ ko’payishida katta ahamiyatga ega. Bargi oddiy, yumshoq, qalin, sershira, yashil, qilichsimon, yuqpri tomoni botiq, pastki tomoni do’ng, qirrasi tikanli, uzunligi 20-
65 sm, qalinligj 12-15 mm bo’lib, qini bilan poyada ketma-ket joylashgan. Ko’pincha poyasining yuqori qismida to’pbarg hosil bo’ladi. Gullari to’pbarg o’rtasidan chiqqan uzun silindrsimon gul o’qiga joylashib, shingil to’pgulni hosil qiladi. Gulqo’rg’oni oddiy, tojsimon, naycha shaklida, qizg’ish, gultojisi 6 ta bo’lib, uchtadan ikki qator joylashgan. Otaligi 6 ta, bular ham ikki qator o’rnashgan, onalik tuguni uch xonali, yuqorida joylashgan. Mevasi - o’tmas uch qirrali, silindrsimon ko’sakcha.
Geografik tarqalishi. Aloening har xil turlari Janubiy va Sharqiy Afrikaning yarimcho’llarida uchraydigan kserofit o’simlikdir.
Tibbiyotda ishlatish maqsadida yuqorida ko’rsatib o’tilgan aloyning 1 turi — daraxtsimon aloy Gruziyada bir yillik o’simlik sifatida o’stiriladi. Odatda, aloyning yon kurtaklarini yoz bo’yi qirqib olib, parniklarga o’tqaziladi. Bahorda esa ularni ochiq yerga o’tqizib, kuzda yig’ibolinadi. Aloe xonalarda o’stiriladi.