Glassariy 1-Mavzu: : kiri sh. Qurilishni va qurilish ishlab chiqarishini tashkil etish asoslari

GLASSARIY


1-Mavzu: : K I R I Sh. Qurilishni va qurilish ishlab chiqarishini tashkil etish asoslari. (2 soat)
Reja:
1.1 Fanning maqsadi, mazmuni va vazifalari.
1.2.Qurilishni ishlab chiqarishni tashkil etish va rejalashtirishni rivojlantirishning asosiy yo’nalishlari.
1.3. Qurilish tashkilotlari tizimi tushunchasi. Qurilish ishtirokchilari.
1.4.Qurilish ishlab chiqarishini o’ziga xos (spesifik) qonuniyatlari. Kapital qurilishni tashkil etish asoslari.


Buyurtmachi - quriladigan bino yoki inshootning egasi hisoblanib, u o‘z maqsadi yo‘lida qurilishni rivojlantiradi, o‘z kuchi bilan, yoki shahar (tuman) me’morchilik bo‘limi yordamida loyihalashga me’moriy-tarhiy topshiriq tayyorlaydi, loyihalovchi muassasalarga buyurtma berib qurilishning loyiha - smeta hujjatlarini tayyorlatadi, bosh pudratchi tashkilot bilan quri­lishni bajarishga shartnomalar tuzib qurilishni bank tizimlari orqali moliyalashtirishni to‘la ta’minlaydi, qurilishni nazorat qiladi va qurib bitkazilgan ob’ektlar yoki ularning majmuasini qabul qilib oladi.
Loyihalovchi - buyurtmachining topshirig‘iga muvofiq o‘zaro shartnoma asosida qurilishning loyiha-smeta hujjatlarini tayyorlab beradi.
Bosh pudratchi - kapital qurilish haqidagi pudrat shartnomasi (kapital kontrakt) asosida ob’ektlarni qurish, shu jumladan texnologik asbob-uskunalarni montaj qilish va sozlash hamda shu bilan bog‘liq ish va xizmatlarni bajarishni o‘z zimmasiga olgan tashkilot yoki firma. Bosh pudratchi buyurtmachi bilan kelishilgan holda o‘z majburiyatlarini bajarish uchun mamlakatdagi va xorijiy firmalarni ham jalb qilishi va ayni paytda bu quyi pudratchilarning bajargan ishlari uchun javobgar bo‘lib qoladi.


Pudratchi - tayyor loyiha asosida qurilishni amalga oshiruvchi qurilish-montaj, loyihalash-qurilish yoki boshqa tashkilotlar va firmalardir.
Ta’minotchi - o‘zining mahsuloti bilan qurilishni ta’minlovchi korxona tashkilot va muassasalardir.
Tadqiqotchi sifatida qurilishda ishtirok etuvchi muassasalar qurilish sohasidagi kamchiliklar va muammolarni ilmiy tadqiq qilish yo‘li bilan echib berish, qurilish me’yorlarini asoslash va ilmiy-texnik taraqqiyot negizida qurilish uchun yangi texnika va texnologiyani yaratish bi­lan shug‘ullanadilar.
Quruvchi - erga egalik huquqiga ega bo‘lgan hamda uy-joy binolari, fermer xo‘jaliklari va boshqa ob’ektlar qurilishini moliyalashtiruvchi huquqiy va jismoniy shaxs. quruvchi er ajratilib, tayyorganlik ishlariga ruxsat olgach, buyurtmachiga pudrat shartnomasi yoki kontrakti tuzishni topshiradi.