Гистология цитология ва эмбриология проф. Қ. Р. Тўхтаев таҳрири остида

Тиббий аҳамияти
.
Ўсувчи ѐки етилган фолликулалар донадор қават 
ва гландулоцитлардан иборат юпқа деворли фолликуляр кистани хосил 
қилиш мумкин. Фолликуляр кисталар кўп миқдорда эстроген ишлаб чиқариб, 
хайз циклини бузилишига олиб келиши мумкин. Агар кисталар ҳосил 
бўлишида қон томирлари девори емирилса, қон тезда киста бўшлиғига ўтиб, 
геморрагик киста юзага келади. 
Фолликулалар атрезияси
. Ҳамма бирламчи ва иккиламчи 
фолликулалар ҳам етилиш даражасига етиб бормайди. Уларнинг аксарияти 
нобуд бўлиб, атретик таналарга айланади. Демак, тухумдоннинг пўстлоқ 
моддасида ривожланаѐтган фолликулалар орасида атретик таналар ҳам 
учрайди. Атретик тана – етилишнинг турли даврларида ривожланишини 
тўхтатган фолликул бўлиб, ундаги жинсий ҳужайранинг ўлиши 
органеллалар, кортикал доначаларининг емирилиши ва ядросининг 
бужмайиши билан бошланади. Атретик тананинг ўлчамлари сариқ 
тананикидан анча кичик бўлиб, марказида ўлган овоцитнинг ялтироқ пардаси 
сақланиб қолади, унинг атрофида эса интерстициал ҳужайралар жойлашади. 
Атрезия сабаблари тўлиқ аниқланмаган, бироқ бу жараѐн фолликулалар 
(ва жинсий ҳужайралар) ўртасидаги табиий танланишнинг асосий омили 
сифатида тан олинган. Фолликулалар атрезияси қиз бола туғилгунга қадар 
бошлансада, унинг якуни аѐл менопаузасидан бир неча йиллар ўтгач 
кузатилади, аммо аѐл ҳаѐтида бу жараѐннинг жуда фаол кечадиган даврлари 

---

ҳам учрайди. Атрезия қиз бола туғилгач, она гормонлари таъсирининг 
тўхташи туфайли ҳамда жинсий балоғатга етиш ва ҳомиладорлик даврларида 
организм гормонларининг сифат ва миқдор жиҳатидан аниқ ва равшан 
ўзгаришлари пайтида кескин равишда кучаяди. Примордиал ва кичик 
ўлчамли ўсувчи фолликулаларнинг атрезияси дегенератив йўл билан 
амалга ошади – тухумдонда бундай фолликулалар ўрнида вақт ўтиши 
билан изсиз йўқолувчи кичик бўшлиқлар (микрокисталар) қолади. Йирик 
ўсувчи фолликулаларнинг атрезияси продуктив (текоген тур) йўл билан 
амалга ошади: фолликуляр эпителиоцитларнинг нобуд бўлиши давомида 
тека интерна сезиларли гипертрофияга учрайди. Атретик таналарнинг 
яхши 
иннервацияланиши, 
шунингдек 
гипертрофияга 
учраган 
ҳужайраларда рибонуклеопротеид ва липидларнинг кўпайиши ва 
ферментларнинг фаоллашуви метаболизмнинг ошиши ва уларнинг юқори 
функционал 
фаоллигидан 
далолат 
беради. 
Хусусан, 
фолликул 
таркибидаги интерстициал ҳужайралар фаол жинсий гормонлар 
(андроген)ни ишлаб чиқарувчи ҳужайраларга айланади. 
Тухумдоннинг 
мағиз 
моддаси 
сийрак 
толали 
шаклланмаган 
бириктирувчи тўқимадан иборат бўлиб, унда артерия ва веналар, нервлар 
жойлашган. Баъзан бу ерда бирламчи буйрак каналчалари қолдиқлари учрайди, 
бу тухумдоннинг мағиз моддасини бирламчи буйракдан ривожланишидан 
далолат беради.
Тухумдон 
генератив 
(аѐллар жинсий ҳужайраларини ҳосил қилиш) 
ва 
эндокрин
(жинсий гормонлар ишлаб чиқариш) функцияларни бажаради.