Гистология цитология ва эмбриология проф. Қ. Р. Тўхтаев таҳрири остида

Тухумдоннинг тузилиши
. 
Ташқи томондан тухумдон мезотелий билан 
қопланган зич бириктирувчи тўқимадан иборат оқсил парда (tunica albuginea) 
билан қопланган. Мезотелийнинг эркин юзасида микроворсинкалар мавжуд. 
Оқсил парда остида тухумдоннинг пўстлоқ моддаси, ичкарироқда мағиз 
моддаси жойлашган (расм 19.2).

---

Расм 
19.2. 
Тухумдонни 
тузилиши схемаси: 
1 
– 
пўстлоқ 
моддадаги 
примордиал фолликулалар; 2 - 
ўсувчи 
фолликул; 
3 
– 
фолликулнинг 
бириктирувчи 
тўқимали 
пардаси; 
4 
– 
фолликуляр суюқлик; 5 – 
етилган фолликул; 6 – тухум 
тутувчи тепалик; 7 – сариқ 
тана; 8 – интерстициал тўқима; 
9 – оқ модда; 10 – атретик тана; 
11 - юза эпителий; 12 – оқсил 
парда; 13 – тухумдоннниг мағиз 
моддасидаги қон томирлари 
 
Пўстлоқ моддаси (cortex ovarii) 
бириктирувчи тўқимали стромада 
жойлашган турли етилиш дражасига эга фолликулалар, атретик тана,
даврий равишда – сариқ тана ва оқ таналардан ташкил топган.
Фолликулалар ривожланиш даражаси ва тузилишига кўра 1) 
примордиал; 2) бирламчи; 3) иккиламчи; 4) учламчи (пуфаксимон 
фолликул, Грааф пуфакчаси, етилган фолликул) турларга бўлинади
.
Примордиал фолликулалар - 
энг кичик ўлчамли, лекин миқдори 
жиҳатдан энг кўп тузилмалардир. Улар бир қават ясси фолликуляр 
ҳужайралар ва базал мембрана билан ўралган диплотена давридаги 1-
тартибли овоцитдан ташкил топган.
Бирламчи фолликулалар (folliculus primarius) таркибидаги 1-тартибли 
овоцитнинг ўсиши, фолликуляр ҳужайраларнинг кўпайиши ва ялтироқ 
парданинг ҳосил бўлиши билан тавсифланади. Примордиал фолликулалардан 
фарқли ўлароқ, бирламчи фолликулалар таркибида кубсимон ѐки призматик 
шаклдаги эпителий ҳужайралари базал мембранада бир ѐки икки қават бўлиб 
жойлашади. 
Фолликуляр 
эпителиоцитларнинг 
апикал 
юзасидан 
микроворсинкалар чиқиб, улар биринчи тартибли овоцит цитоплазмасига 
ботиб киради. Мазкур микроворсинкалар орқали биринчи тартибли овоцитга 
унинг ўсиши ва ривожланишини таъминловчи озуқа моддалар киради. 1-
тартибли овоцит атрофида ялтироқ парда (zona pellucida) деб аталувчи 
иккинчи парда (биринчиси – тухум ҳужайранинг цитолеммаси ѐки оволемма) 

---

ҳосил бўлади. Мазкур парда гликозаминогликанлар, мукопротеинлар ва 
оқсиллардан иборат бўлиб, у ҳам овоцит, ҳам фолликуляр ҳужайраларнинг
функционал фаолияти ҳисобига ҳосил бўлади. Фолликуляр ҳужайраларда 
овоцитнинг ўсиши ва ривожланиши учун зарур маҳсулотларни ишлаб 
чиқарувчи синтез жараѐни билан боғлиқ органеллалар яхши ривожланган. 
Овоцитнинг ўсиши, фолликуляр эпителиоцитларнинг ҳажмини ошиши ва 
уларнинг бўлиниб кўпайиши ҳисобига фолликулнинг ўлчами ҳам 
катталашади. Шу сабабли, фолликулни ўраб турувчи бириктирувчи тўқима 
зичлашади ва унинг бириктирувчи тўқимали қобиғи шакллана бошлайди.
Шундай қилиб, бирламчи фолликул қуйидаги тузилишга эга бўлади: 
марказида 1-тартибли овоцит, уни ўраб турувчи ялтироқ парда ва базал 
мембранада бир ѐки икки қават бўлиб жойлашган кубсимон ѐки призматик 
шаклдаги фолликуляр ҳужайралар.