Гистология цитология ва эмбриология проф. Қ. Р. Тўхтаев таҳрири остида

Антителолар (антитаналар)
– иммуноглобулинларнинг у ѐки бу 
синфига мансуб мураккаб оқсиллар. Улар организмда маълум антигенлар 
таъсири остида плазматик ҳужайралар томонидан синтезланади ва шу 
антиген билан бирикиб, уни зарарсизлантириш қобилиятига эга бўлади. Шу 
туфайли антитаналар иммунитет жараѐнининг ихтисослашганлигини 
таъминловчи асосий омиллардан бири бўлиб ҳисобланади. Ҳозирги пайтда 
иммуноглобулинларнинг 5 синфи мавжуд бўлиб, улар қон оқсилларининг 
тахмиман 1/3 қисмини ташкил этади. Иммуноглобулинлардан асосийси IgG 
ҳисобланади. Бу синфга кирувчи антитаналар организмни микроблар, 
вируслар ҳамда улар ишлаб чиқарган заҳарли моддалардан актив ҳимоя 
қилади. Иммуноглобулинларнинг IgM синфига кирувчи антитаналар заҳарли 
моддаларни нейтраллашда, ѐт ҳужайраларни емиришда ва турли хил 
антигенларни чўктиришда муҳим ўрин тутади. Иммуноглобулинларнинг IgA 
синфига кирувчи антитаналар, қондан ташқари, кўп миқдорда сўлакда, кўз 
ѐшида, меъда-ичак суюқликларида ҳам учрайди. Шу туфайли бу антитаналар 
секретор антитаналар 
деб аталиб, улар шиллиқ пардаларни ҳимоя қилишда 
фаол иштирок этади. IgE синфига кирувчи антитаналар эса аллергик 
реакцияларда қатнашади. Уларнинг махсус антигенлар (аллергенлар) билан 
ҳосил қилган комплекси тўқима базофилларининг дегрануляциясига ва 
ҳужайралардан гистамин ҳамда гепарин моддаларининг ажралиб чиқишига 
олиб келади. Ниҳоят, иммуноглобулинларнинг охирги синфи бўлмиш IgD 
жуда кам миқдорда учрайди. Бу иммуноглобулин кўпроқ эмбрионда ва янги 
туғилган 
чақалоқларда 
учрайди. 
Б 
лимфоцитларнинг 
дифференциалланишида иштирок этади. Йўлдош тўсиғи орқали ўтмайди, 
комплемент оқсилларини фаоллаштирмайди.

---

Иммуноглобулинларнинг барча синфлари умумий тузилишга эга 
бўлиб, иккита енгил занжир ва иккита оғир занжирлардан иборат. Оғир 
занжирлар молекулаларининг алоҳида карбоксил терминал қисми 
(фрагменти) доимий бўлиб Fc – қисм деб номланади. Енгил ва оғир 
занжирларнинг амино-терминал қисмига яқин жойлашган бўлимида 
аминокислоталар антитаналарнинг турли молекулаларида бир-биридан 
кескин фарқланади. Шунинг учун молекуланинг бу қисми ўзгарувчан 
(вариабел) деб аталади. Антитананинг антиген боғловчи қисми битта оғир ва 
битта енгил занжирларнинг вариабел қисмларидан тузилган бўлиб, уларнинг 
иккаласи ҳам битта антиген молекуласини боғлаш учун хизмат қилади.
Антителонинг антиген билан боғланиши жараѐнида қон плазмасида 
бўлган бир гуруҳ оқсиллар ѐки