«G‘isht teruvchi» kasbi bo‘yicha o‘quv-uslubiy qo‘llanma toshkent-2021 kirish

Sirlangan g‘isht. Bu turdagi g‘isht qoplamali materiallarga tegishlidir, shuning uchun ichki va tashqi devorlarni loyihalashda keng qo‘llaniladi. Mo‘rtligi sababli, dekorativ san'at sohasida va uy ichini bezash mozaikalari uchun ishlatiladi.

Shakllangan g‘isht. Turli xil shakl va ranglarga egaligi sababli, uyni tashqi bezatish jarayonida qo‘llaniladi.

Maxsus g‘isht. Maxsus ish sharoitlari uchun mo‘ljallangan bo‘lib, olov pechlari va shamollatish devorlari maxsus chidamli g‘isht bilan teriladi.

3.G‘isht o‘lchamlari va xususiyatlari
G‘ishtning o‘lchami g‘ishtning qalinligiga ta’sir qiluvchi va g‘ishtning maqsadini aniqlaydigan muhim ko‘rsatkichdir. O‘lcham uzunligi, kengligi va balandligi bilan belgilanadi. Standart g‘isht o‘lchamlari umumiy o‘lchamli quyidagi nomlarga ega: yagona, bir yarim, ikkilik, modulli, yevro. G‘ishtning o‘lchami GOST 530-2012 standartlarga muvofiq belgilanadi.

Yagona g‘isht o‘lchamlari 250x120x65 mm bo‘lib: uzunligi - 250 mm, kengligi - 120 mm, balandligi - 65 mmni, og‘irligi turiga qarab, 2,3 dan 3,8 kg gacha vazni tashkil etadi.Yagona g‘isht - poydevor va devorlarni qurish uchun ishlatiladigan asosiy qurilish materiali. Bundan tashqari, pechkalar va kamenlarni yaratish uchun ishlatiladi.