«G‘isht teruvchi» kasbi bo‘yicha o‘quv-uslubiy qo‘llanma toshkent-2021 kirish

3.Manzarali devor terish

Devorning fasadida g‘ishtlardan aniq shakllar hosil qilish g‘ishtlarni manzarali terish deb ataladi. Rang-barang g‘ishtlar ishlatilib, ulardan turli shakllar yoki bo‘rtma naqshlar hosil qilinsa, devor juda chiroyli chiqadi. G‘ishtlarni manzarali terish texnologiyasi odatdagi g‘isht terish texnologiyasidan farq qilmaydi. Bu yerda choklarning bog‘lanishi, qatorlarning o‘zaro to‘g‘ri navbatlashishi va devorning tikligiga katta e’tibor berilishi bilan birga, ostki qatorni to‘g‘ri terish hamda choklarning gorizontalligi, vertikalligi va bir xil chiqishi ham juda muhim. Devorning fasad sirtini hosil qiladigan qatorlarga yotqiziladigan g‘ishtlarning qirralari tekis va sirti toza bo‘lishi lozim. Devor sirtiga qaratilgan qatordagi uch choraklik g‘ishtning sindirilgan qirralari ishqalab tekislanadi. Devorning sirtki qatorlarida choklar ko‘p qatorli sistemada, ichki qatorlarida esa bir qatorli sistemada bog‘lanadi. Devorning arxitektura jihatidan ko‘rkamligi choklar enining bir xilligiga va ularning rang-barang qorishmalar bilan pardozlanish xarakteriga bog‘liq. Masalan, silikat g‘ishdan terilgan devorning tashqi tomonidagi choklar qo‘shimcha material (qoliplash qumi, marganes perioksidi va boshqalar) aralashtirilgan to‘q rang qorishma bilan pardozlanadi.

G‘ishtlarni manzarali qilib terish uchun g‘isht teruvchi usta yuqori malakali va dizayn sohibi bo‘lishi lozim. Manzarali g‘isht terishda mehnat sarfi odatdagi g‘isht terilgandagiga nisbatan 6–9 foiz ortadi.


Nazorat savollari
1.To‘g‘ri burchaklarning g‘ishtlari qanday usulda teriladi?
2.Devorlarning bir-biriga tutashadigan joyidagi g‘ishtlarini terishda nimalarga ahamiyat berish kerak?
3.Derazalar oralig‘idagi devor g‘ishtlarini terish ishlarini so‘zlab bering
4.Manzarali devor terish qanday amalga oshiriladi?


II.MATERIALSHUNOSLIK


5-Mavzu:G‘isht terish ishlarini to‘g‘ri tashkil etish qoidalari


Reja:

1.G‘isht teruvchilar ishlarini va ish o‘rnini tashkil qilish.

2.G‘isht terishda ishlatiladigan asbob-uskunalar va jihozlar hamda ulardan foydalanish qoidalari.
3.G‘isht terish ishlarida ishlatiladigan qorishmalar.