Gimnastika (yakkakurash, koordinatsion va siklik sport turlari)

10.1. Gimnastika mashqlari texnikasi va uning zamirida yotuvchi qonuniyatlar
Sport gimnastikasi, badiiy gimnastika va akrobatikaning ko‘pgi-na mashqlari shakl jihatidan ham, mazmun jihatidan ham, bino-barin, bajarish texnikasi jihatidan ham juda murakkab tuzilishga egadir.
Gimnastika mashqining tuzilishi mazmun va shaklni hamda mashqni bajarishni ta’minlovchi tashqi va ichki kuchlaming o‘zaro ta’sirini o‘z ichiga oladi.
Mashqning mazmuni unga kiruvchi harakatlar yig‘indisi, ulami bajarish ketma-ketligi va gimnastikachining mazkur harakatlami bajarish uchun zarur qobiliyatlari bilan belgilanadi. Mashqni o‘zlashtirish jarayonida mazkur xossalar faol o‘zaro ta’sirga kirishadi va gimnastikachi yoki uning pedagogi tomonidan qo‘yilgan harakatga oid vazifaning bajarilishini ta’minlaydi.
Gimnastika mashqining shaklini gimnastikachi tanasi va uning bo‘g‘inlarining makon va vaqtdagi holatlari va harakatlari, gimnastikachi qobiliyatlari o‘rtasidagi o‘zaro aloqa tashkil etadi. Shakl mashqning mazmuni bilan uzviy bog‘liq.
Gimnastika mashqining texnikasi va gimnastika mashqini bajarish texnikasi o‘zaro farqlanadi.