Gidroliz turlari

Gidroliz turlari
Tuz ionlarining suv bilan ta’sirlashib kuchsiz elektrolit hosil qilish jarayoni tuzlar gidrolizi deyiladi. Barcha tuzlarni ularni hosil qilgan asos va kislotaning kuchiga qarab to’rtga bo’lish mumkin.
1. Kuchli asos va kuchli kislotalardan hosil bo’lgan tuzlar gidrolizga uchramaydi, ya’ni ularning ionlari suv bilan ta’sirlashib kuchsiz elektrolitlar hosil qilmaydi.
2. Kuchsiz asos va kuchli kislotadan hosil bo’lgan tuzlar kation bo’yicha gidrolizlanadi, eritma muhiti kislotali bo’ladi. Agar kuchsiz asos bir kislotali bo’lsa, gidroliz reaksiyasi bir bosqichdan iborat bo’lib, bunda kuchsiz asos va kuchli kislota hosil bo’ladi.
NH₄Cl + H₂O = NH₄OH + HCl
NH₄⁺  + Cl^-  + H₂O = NH₄OH + H⁺  + Cl^-
NH₄⁺ + H₂O = NH₄OH + H⁺ ; muhit kislotali, pH < 7.
Agar kuchsiz asos ko’p kislotali bo’lsa, gidroliz bosqichli bo’ladi. 1-bosqichda asosli tuz va kuchli kislota hosil bo’ladi.
1-bosqich: AlCl ₃ + H₂O = AlOHCl₂ + HCl
Al³⁺ + 3Cl ^- + H₂O = AlOH ²⁺ + 2Cl ^- + H ⁺ + Cl ^-
Al ³⁺  + H₂O = AlOH²⁺ + H ⁺ pH < 7
Gidroliz reaksiyasi qaytar bo’lib, qisman sodir bo’ladi. Gidrolizning 2- va 3-bosqichlari eritmani suyultirganda, hamda qizdirganda sodir bo’lishi mumkin.
2-bosqich: AlOHCl₂ + H₂O = Al(OH)₂Cl + HCl