Германия федератив республикаси

7.Germaniya Federativ Respublikasi davlat Byudjeti daromadlari, xarajatlari va tarkibidagi o’zgarishlar tahlili

Germaniya Federativ Respublikasi(GFR) jahonning rivojlangan davlatlari qatoriga mansub bo’lib, ilmiy-texnik salohiyati bo’yicha AQSH va Yaponiyadan keyingi uchinchi o’rinda turadi. Sanoat ishlab chiqarish bo’yicha tovar va xizmatlarning asosiy eksport qiluvchisidir. GFR moliya tizimi federal byudjet, 16ta federal shtatlar byudjeti, obshinalar byudjeti, hukumatning byudjetdan tashqari fondlari, federal temiryo’l va federal pochta davlat korxonalari, ijtimoiy sug’urta, mehnat bo’yicha federal idora moliyasini o’z ichiga oladi.

Byudjet GFR moliya tizimining asosiy bo’g’inini tashkil etadi. davlat byudjetiga quyidagi ma’muriy boshqaruvning uchta darajasi daromadlari va xarajatlari kiradi:⁴

1. 
   Der Bundeshaushalt-Federatsiya byudjeti;
   
2. 
   Die Londerhaushalt- Federal yerlar byudjeti, ya’ni hududiy byudjetlar;
   
3. 
   Die Geveindehaushalte-Mahalliy hokimiyatlar byudjeti.
   

Germaniya davlat byudjeti quyidagi vazifalarni bajaradi:

• 
  milliy daromadlarni qayta taqsimlash;
  
• 
  iqtisodiyotni rag’batlantirilish;
  
• 
  ijtimoiy siyosatni moliyaviy ta’minlash;
  
• 
  markazlashtirilgan pul mablag’lari jamg’armasini vujudga keltirish va sarflash ustidan nazorat qilish.
  

Germaniya federal byudjeti tizimi daromadlarining asosiy qismini soliqlar tashkil etib, ularning yalpi byudjet daromadlarini shakllantirishdagi ulushi o’rtacha 89% ni tashkil etadi.

Ahamiyatga molik jihati shundaki, mazkur ko’rsatkich bo’yicha Germaniya Yevropa Ittifoqi mamlakatlari ichida yetakchi o’rinni band etgan bo’lib, ushbu miqdor Fransiyada 87 foizni, Italiyada 84,7 foizni, Belgiyada 84,2 foizni, Gollandiyada 78,3 foizni, Ispaniyada 82,9 foizni tashkil etadi(2.1-rasmga qarang).