Geosiyosat asoslari

Glossariy
“Geosiyosat asoslari” fanidan
Glossariy
O’zbekiston - Markaziy Osiyoning qoq o‘rtasida qismida joylashgan mustaqil davlat. Maydoni 447,4 ming kv.km. Aholisi 31,6 million kishini tashkil etadi (2016). Ma’muriy jihatdan 12 ta viloyat - Andijon, Buxoro, Jizzax, Navoiy, Namangan, Samarqand, Sirdaryo, Surxondaryo, Toshkent, Farg‘ona, Xorazm, Qashqadaryo viloyatlari, shuningdek Toshkent shahri va Qoraqalpog‘iston respublikasidan iborat. Poytaxti - Toshkent shahri.
O‘zbekiston xalq ho‘jaligida ilg‘or texnika bilan jihozlangan sanoatning yuzdan ortiq tarmoq va sohasi mavjud. Paxta va undan qayta ishlangan mahsulotlarni eksport qilishda jahonda ikkinchi o‘rinni egallaydi.
O‘zbekiston o‘zining boy o‘tmishi, tarixiy va qo‘hna madaniyatiga ega. Bu hudud bundan 500-700 ming yil burun odamzod paydo bo‘lgan joylar sirasiga kiradi. M.av 7-6 asrlarga kelib Qadimgi Xorazm va Baqtriya davlatlari shakllandi. Mustaqillik uchun kurashgan To‘maris, Shiroq, Spitamen, Muqanna, Jaloliddin Manguberdi, Torobiy kabi ko‘plab xalq qahramonlari tarixdan ma’lum.
O‘zbekiston Imom al - Buxoriy, Imom at - Termiziy, Marg‘inoniy, al - Xorazmiy, Farg‘oniy, Beruniy, Ibn Sino, Zamaxshariy, Forobiy, Ahmad Yassaviy, Bahouddin Naqshband, Amir Temur, Alisher Navoiy, Mirzo Ulug‘bek, Zahiriddin Muhammad Bobur, Feruz kabi buyuk siymolar yashagan zamindir.
O‘zbekiston mustaqilligini 170 dan ortiq davlatlar tan oldi, o‘nlab mamlakatlar bilan diplomatik munosabatlar o‘rnatilgan.
Aerokratiya – Xavoda hukmronlikni qo‘lga kiritish uchun kurash
And guruxi (Kartaxen shartnomasi) - 1969 yilda tashkil etilgan Lotin Amerikasi davlatlarining savdo-iqtisodiy tashkiloti. Boliviya, Chili, Venesuela, Kampuchiya, Ekvador, Peru.
Anzyuk (Australia, New Zealand, United Kingdom-ANZUK) - 1971 yilda Buyuk Britaniya tashabbusi bilan tashkil etilgan harbiy- siyosiy guruh. Tarkibiga Buyuk Britaniya, Avstraliya, Yangi Zelandiya, Singapur va Malayziya kiradi.
Anzyus (Australia, New Zealand, United States-ANZUS) - AQSH tashabbusi bilan 1951 yilda San-Fransiskoda imzolangan Tinch okeani havfsizlik pakti asosida ANZYUS o‘z faoliyatini 1952 yildan boshladi. AQSH, Avstraliya va Yangi Zelandiya kirgan.