Geografiya va ekologiya fakulteti

VII. Aydarko‘l rayonidagi ko‘llar tizimining paydo bo‘lishi bevosita
Mirzacho‘lning o‘zlashtirilishi bilan bog‘liqdir. Sizot suvlari hamda zovurdrenaj suvlarining Aydarko‘l botig‘i tomon harakatlanishi natijasida
botiqdagi Tuzkon ko‘lining kengayishi Arnasoy hamda Aydarko‘l
ko‘llarining paydo bo‘lishiga olib keladi. Botiqdagi keyingi dinamik
o‘zgarishlar CHordara suv omboridagi (1969) ortiqcha suvlarning tashlanishi
bilan bog‘liq. Bu suvlarning to‘planishi natijasida Arnasoy ko‘llari
birlashib yagona Aydarko‘llar tizimining paydo bo‘lishiga va undagi faunani
boyitib beruvchi "Arnasoy buyurtmaxonasi"ning tashkil etilishiga olib
keldi.
VIII. Sirdaryo rayoni Sirdaryo o‘zanidagi to‘qayzorlari bilan
ajralib turadi. Sirdaryoning ba’zi joylarida doimiy yoki mavsumiy
orolchalar mavjud bo‘lib, unda juda ko‘p qushlar yig‘iladi va manzarali
ekoturistik ob’ekt bo‘lib xisoblanadi.
IX. CHirchiq - Ohangaron tog‘li ekoturistik rayonida xalqaro
ekologik rezervat joylashgani uchun ham uning huquqiy maqomi tabiatga
aralashmaslik prinsipiga moslashtirilishi lozim. Undagi ekoturistik
sayohatda vertolyot va samolyotlardan foydalanishga ruxsat berilmaydi.
Ekoturlar oldindan belgilab berilgan kichik yo‘lakchalar orqali, kam sonli
turistik guruhlarga bo‘lingan tarzda, yilning hayvonot olami urchimaydigan
va ko‘paymaydigan davrlarida piyoda va otlarda aylanish tarzida tashkil
etilishi maqsadga muvofiqdir. Mazkur ekoturistik marshrutlarda mahalliy
aholining xizmatidan atroflicha foydalanish ularning noekologik
yo‘naltirilgan turmush tarzini ijobiy tomonlarga o‘zgartiradi.
X. Farg‘ona rayoni ekoturizmni rivojlantirishda muhim ahamiyat
kasb etadi. CHunki undagi landshaftlarning turli-tumanligi markazdagi
cho‘llardan tortib, to maftunkor tog‘ cho‘qqilarigacha barchani o‘ziga jalb etadi.
Tog‘lardagi tez oqar va ba’zida kechuv qiyin bo‘lgan daralarda raftlarda
oqish (rafting), Janubiy Farg‘onadagi balandligi 10 m keladigan, dam
olayotgan tuyalarni eslatuvchi ekzotik relef shakllariga hamda "YOzyovon
davlat tabiat yodgorligi"dagi ajoyib tabiiy qum massivi (1994 yilda
tashkil etilgan va maydoni 1,9 ming ga) piyoda turlar uyushtirish mumkin.
Ko‘ksuv vodiysida 120 yil avval vujudga kelgan, oq, kulrang qoyalar bilan
o‘ralgan toza, muzdek suvli ko‘k va yashil ko‘llar ham ekoturizm ob’ektidir.
Farg‘ona fodiysida milliy hunarmandchilik juda ham
rivojlanganligi tufayli uni ekoturizm bilan uyg‘unlikda olib borish
mumkin. Rishtonda avloddan-avlodga o‘tib keluvchi kulolchilik san’ati,
CHustda do‘ppido‘zlik, pichoqchilik va temirchilik, Marg‘ilonda atlas to‘qish
kabi milliy xunarmandchilik asrlar davomida taraqqiy etib kelmoqda.