Geografiya va ekologiya fakulteti

Ekoturizm ob’ekti sifatida sayyohlarning o‘zlari yashamaydigan, turizm
uyushtirilishi mumkin bo‘lgan va ularning ongiga bog‘liq bo‘lmagan ob’ektiv borliq:
tabiat komponent(unsur)lari;
tabiiy tizim(sistema)lar;
tabiat majmua(kompleks)lari
ni olish mumkin.Ushbu tabiat ob’ektlari ikki ko‘rinishda namoyon bo‘ladi:
1. Kishilar faoliyati tomonidan nisbatan tegilmagan yoki
antropogen o‘zgarmagan, ya’ni tabiiy xossa va xususiyatlarini yo‘qotib
qo‘ymagan:
tabiat komponentlari – tabiat yodgorliklari (sharsharalar, g‘orlar,
noyob daraxtlar va ularning kompozitsiyalari, noyob turdagi o‘simlik va
hayvonot dunyosi, er osti boyliklari va uning topilmalari, o‘ziga xos
shakldagi toshlar...);
tabiat majmualari – tabiat rezervatlari, biosfera qo‘riqxonalari,
qo‘riqxonalar, buyurtma qo‘riqxonalar, milliy tabiiy bog‘lar kabi
davlatning alohida e’tibori bilan «mutlaq» ravishda qo‘riqlanadigan er
yuzasi hududlari va suv akvatoriyalari...);
tabiiy tizimlar – o‘rmonlar, tog‘ cho‘qqilari, turli landshaftlar yoki
gidrografik ob’ektlar kabilar kiritiladi.
2. Kishilar faoliyati (antropogen) yoki tabiiy jarayon va
hodisalar (ofatlar) natijasida o‘zgargan yoki yaratilgan:
tabiat komponentlari – sun’iy yaratilgan sharsharalar, g‘orlar, qo‘lga
o‘rgatilgan yovvoyi hayvonlar, iqlimlashtirilgan yovvoyi turdagi o‘simlik
dunyosi ...;
tabiat majmualari – dendrologik bog‘lar, hayvonot bog‘lari,
botanika bog‘lari, akvariumlar...;
tabiat tizimlari – sun’iy suv inshootlari va akvatoriyalari,
madaniylashgan landshaftlar...kabilar kiradi (2-rasm).
O‘zbekistonda bularga uch yuzdan ziyod gidrografik ob’ektlar,
karyerlar, texnogen buzilgan erlar, kesilgan va yoqilgan o‘rmonlar,
jarliklar, surilmalar, o‘pqonlarni misol qilib olish mumkin. Bu o‘rinda eng yirik milliy antropogen o‘zgargan ekoturizm ob’ekti sifatida Orol dengizi va
uning atrofidagi buzilgan hududlarni yana bir bor eslab o‘tish lozim.