Гeoгрaфия

Ауыл шаруашылығының негізгі тармақтары:
астық, 
мақташылық, көкөніс, қой шаруашылығы. 
Өнеркәсiптің негізгі 
тармақтары:
жанармай (мұнай және газ), химия және мұнай-
химия, құрылыс материалдары, жеңіл, азық-түлік.
Жүзеге асырылған осы сияқты үлкен жұмыстардың нәтижесінде 
Бұхара Өзбекстанның маңызды әлеуметтік-экономикалық, мәдени 
және саяхатшылар орталықтарының біріне айналып баруда. Ал бұл 
аймақты кешенді дамыту арқылы әр түрлі тармақтардың, әсіресе, 
қызмет атқару салаларын күшейтіп, халықты жұмыспен қамтамасыз 
ету үшін мүмкіндік жаратуда.
116-сурет. 
Бұхара облысы
http://eduportal.uz

---

150
?
Бұхара
қаласы
көнелігі және бұрын 
астана болғандығымен Самарқантқа 
ұқсайды (117-сурет). Қала ерте замандардан 
бері зер тiгушiлiк, жiбек тоқу, зергерлiк, 
мыскерлiк, оймакерлiк пен ағашқа нақыш 
салу өнерлерiмен әлемге әйгiлi болған. 
Қалада оннан астам шет мемлекеттермен 
ынтымақтастықта құрылған бiрлескен 
кәсiпорындар қызмет атқарады. Атап 
айтқанда, «Bux-Tel» (Израиль) майонез, «Omega-Sitora» (Греция) терi 
бұйымдары, «Gufik-Avisenna» (Үндiстан) дәрi-дәрмек, «Marmar» (АҚШ) 
құрылыс материалдарын шығарады. Қалада 1996 жылдан бастап Корея 
Республикасында шығарылған телефон станциясы iске қосылды. 
Қалада Бұхара мемлекеттiк университетi, инженерлік-технологиялық 
институты, медицина институты, Ташкент ирригация және мелиорация 
институтының Бұхара филиалы бар.
Көне сәулеткерлік дәстүрлерін заманауи үлгілермен үйлестіріп одан 
әрі дамыту мақсатында 2010 жылы 107 гектар ауданды алып жатқан 
«Бұхараның мәдени орталығы» кешені құрылды. Бұл кешен – 700 
орынды облыстық сазды драма театры, 2000 көрерменге арналған 
амфитеатр мен «Көне және мәңгілік Бұхара» монументін өз ішіне 
қамтиды. Кешеннің орталығындағы 18 метрлі монумент сол жердің 
ғылыми-мәдени және тарихи-фәлсафалық мұрасын өзінде көрсетеді.
Когон
– темiржол станциясы ретiнде құрылған қалашық. Темiржол 
Душанбеге жетiп баруы және Когон–Бұхара темiржолы құрылған соң, 
Когон көлiк торабына айналды. Қазір қалада 15-ке жуық өнеркәсiп 
кәсіпорны жұмыс iстейдi.
Газ кенiнiң негiзiнде 
Газли
қаласы құрылды. Газлиге Науаидан 
электр қуаты және Әмудариядан құбыр арқылы су жеткізілген. Газли 
орналасқан аймақтың ауа райы шұғыл континенталды, жиі-жиі күштi 
жел соғып, шаң көтерiледi, кей кездерде құм көшедi.
117-сурет. 
Бұхараның ескі 
қала бөлігі.