Гeoгрaфия

1.
Экономикалық ауданның географиялық орнындағы өзіне тән ерекше-
ліктері нелерде көрініс табады?
2.
Аудан халқының саны мен жұмысшы күшінің көлемін Зарафшан эко-
номикалық ауданына салыстырыңдар.
3.
Tермізден Ташкентке бару үшін қайсы облыстардан өтіледі?
http://eduportal.uz

---

153
Қашқадария облысы мемлекет аумағының 6,4 пайызын алып жа-
тыр (119-сурет). Ол жерде Өзбекстан халқының дерлік 9,6 пайызы 
жа сайды. Республикамыздағы негізгі мұнай және газ кендері осы 
аймақта орналасқан. Қашқадария жанармай өнеркәсібінің жалпы өнім 
көлемі бойынша мемлекетте 1-орында тұрады. Сондай-ақ республикада 
өндірілетін электр энергияның 1/10 бөлігін, жеңіл өнеркәсіп өнімдерінің 
7 пайыздан астамын береді. Табиғи жағдайының қолайлығынан егін 
аудандары үлкен. Облыстың жалпы егін ауданы, оның ішінде, бидай мен 
мақта өсірілетін аудандары бойынша республикада бірінші орында тұрады.
Экономикалық географиялық орны мен табиғи байлықтары.
Бұл 
облыста жылдық орташа температура Өзбекстанның басқа жерлерiнен 
біршама жоғары. Облыста 1 млн. гектарға жуық суаруға жарамды жер 
бар, бірақ су тапшы. Судан өте тиiмдi пайдаланғанда да көп жерлерге су 
жетiп бармайды. Сондықтан көп жерлерге ерте көктемгi дәнді егіндер 
егiледi. Қашқадария алқабы Қашқадария мен оның сол жағындағы 
тармақтары - Ақсу, Танхаздария, Яккабақ және Ғузар дария суымен 
суарылады. Алқапта Шымқорған су қоймасы 
құрылып, Қашқадарияның орта және төменгi 
ағымында судың жұмсалуының тәртіпке 
салынуы және Ескi Анхар каналы арқылы 
Зарафшаннан судың жеткізілуі нәтижесінде 
суармалы жерлердің ауданы едәуір кеңейдi 
(оқу атласынан қара).
Топырақ пен ауа райының жағдайы жiңiшке 
талшықты мақта, көкөніс, картоп пен жемiстер 
өсiруге қолайлы. Бiрақ Ғузар дарияның суы 
аз, тек көктемде (сәуiрде) толып ағады. 
Оның ағысын реттеу мақсатымен Пачкамар 
су қоймасы құрылған. Сондай-ақ алқапта 
Хисарак су қоймасы бар, дерлiк 1 млн. гектар 
алаңды суаратын Әму-Қаршы машина каналы 
құрылған. Бұл каналдың жолында 1,5 миллиард 
текше метр су сиятын Талимаржан су қоймасы, 
күшті насос станциялары құрылды. Насостар 
суды 132 метр жоғарыға шығарып бередi.