Гeoгрaфия

Қалалары
. Облыста 9 қала бар. 
Ферғана
– маңызды өнеркәсiп, көлiк 
және мәдениет орталығы. Қала сумен жақсы қамтамасыз етiлген, жазы 
салқындау. Қалада екi ЖЭО жұмыс істейді. Экономикалық ауданның 
біріккен энергетика жүйесi осы ЖЭО-лар негiзiнде қалыптасқан. Қалада 
Ферғана мемлекеттік университет, политехника институты, Ташкент ақпарат 
технологиялары университеті, Ташкент медицина академиясы мен Өзбекстан 
мемлекеттік өнер және мәдениет институттарының филиалдары істейді. Жiбек 
шаруашылығының ғылыми-зерттеу институты бар. Мәдениет және саябақтар, 
субұрқақтар, сая жолдар, салқын алаңдар қалаға өзгеше көрiк бередi. Ұлы 
астроном, математик және географ Ахмет әл-Ферғани осы жерде дүниеге 
келген.
Марғылан 
жiбек (атлас) өндірудің орталығы ретiнде ертеден даңқы 
шыққан қала. Қалада мақта, көн зауыты, жiбек өндіретін кәсiпорындар бар. 
Марғыландықтардың тоқымашылық тәжiрибелерi жоғары дәрежеде жетілді 
және кеңейді. Марғылан жiбек комбинаты – мемлекеттегi ең iрi тоқымашылық 
105-сурет.
Өзбекстан 
Республикасында Ферғана 
облысының салмағы 
(пайыз, 2017 жыл
).
http://eduportal.uz

---

135
?
кәсiпорындардың бірі. Комбинат қазiргi күнде ірі оқу орталығы. Онда Жiбек 
өнеркәсiбiнің ғылыми-зерттеу институты да қызмет етедi. Атақты құқықтану 
ғалымы Бурханиддин Марғиони де осы жерде туылған.
Қоқан
Ферғана облысының батысында, көлiк жолдары үстiнде орналасқан. 
Одан Ташкент, Наманган және Ферғана жақтарға темiржол мен автокөлік 
жолдары өтедi. Тәуелсіздік жылдарында Қоқанның өнеркәсiбi дамып, қала 
маңызды өнеркәсiп торабына айналды. Қаладағы суперфосфат зауыты мен 
электр машина жасауы, тоқу машиналарын жасау зауыттары республикадағы 
iрi кәсiпорындардың бiрi болып табылады. Қала ұзақ уақыт Қоқан хандығының 
астанасы болған. Ол облыстағы негізгі мәдениет орталықтарының бiрi.
Қувасай
1954 жылы жұмысшы қалашығының орнында құрылған. Қала 
маңындағы әктас, мергель, гипс және саз байлықтарының негiзiнде ол құрылыс 
материалдарын өндiретін өнеркәсіп орталығына айналды. Бүгiнгi таңда цемент, 
шифер, әк және кiрпiш зауыттарынан құралған комбинат жұмыс iстейдi. 
Аталмыш комбинат республикада өндiрiлетiн цементтiң басым бөлiгiн бередi. 
Қувасай шыны зауытында кесе, пиала, шайнек, леген және басқа ыдыстарды 
жасап шығару жылдан-жылға артуда. 
Риштан 
– қыш-құмыра бұйымдарын жасап шығаратын орталық. Мұндағы 
қолөнершiлiк артельдерi бiрiктірілiп, комбинатқа айналдырылған. Қазiр 
комбинатта 20 түрден астам бұйым жасап шығарылады.