Geografiya

Topshiriqni bajarish uchun variantlar 13-jadval

Variant raqami	Hududlar
1	Farg‘ona vodiysi
2	Janubiy Orolbuyi mintaqasi
3	Janubiy Ural
4	Zarafshon vodiysi
5	Zabaykale
6	O‘zbekiston janubiy mintaqasi
7	Saxalin oroli
8	Primore o‘lkasi

Topshiriqni bajarish bo‘yicha ko‘rsatmalar.

1. 
   Bir xil mavzuga oid, biroq masshtablari bilan o‘zaro farqlanuvchi uchta karta bilan tanishish (o‘qituvchining ko‘r-satmasi asosida). Kartalarning kimlarga mo‘ljallanganligi (ilmiy–ma’lumotnoma, o‘quv ishlariga) va ulardan foydalanish turini aniqlash (shaxsiy, devoriy va boshqalar).
   
2. 
   Kartalar legendalari tarkibini va ularni tuzish prinsiplarini o‘rganish, legendalardagi asosiy taksonomik bo‘limlarni va ularning birliklarini aniqlash.
   
3. 
   Uchala kartadan bittadan hududlarni ajratish va ular-dan nusxa ko‘chirish. Har bir nusxa uchun legendalar ishlab chiqish.
   
4. 
   Geografik asoslardagi generalizatsiya jarayonini kuza-tish (gidrografik tarmoqlarning tanlanishi, dengiz va ko‘llar qirg‘oqlari chiziqlarini umumlashtirish, aholi punktlarini tanlash va boshqalar).
   
5. 
   Karta legendasida olib boriladigan generalizatsiya jarayonining 1–bosqichini kuzatish (hodisalar sifat ko‘rsat-kichlarini umumlashtirish, taksonomik bo‘linmalarning bir-lashtirilishi, tasniflash bosqichlarining ba’zi bo‘limlaridan voz kechish, umumlashtirishlarni kiritish). Nusxada karta legen-dalarida kechayotgan generalizatsiya jarayonlarini ko‘rsatish.
   
6. 
   Bevosita kartografik tasvirlash usullari bilan bog‘liq holda mavzu bo‘yicha olib borilayotgan generalizatsiyaning 2–bosqichini o‘rganish. Nusxada generalizatsiyaning bu bosqichida yuzaga kelish xususiyatlarini o‘rganish:
   

a) maydonli va chiziqli ob’ektlarni planli tasvirini soddalashtirish;

b) alohida tasvirlangan konturlarni birlashtirish;

v) kichik va ikkilamchi darajadagi ob’ektlardan voz kechish;

g) ayrim muhim ob’ektlarni bo‘rttirib ko‘rsatish;

d) tasvirlash usullarini o‘zgartirish (masalan, sifatli rangdan (fondan) belgilarga va boshqalarga o‘tishni amalga oshirish).

7. Tahlil qilinayotgan karta kesimida generalizatsiya jara-yonining munosibligi va kamchiliklarini baholash haqida qisqa xulosalar yozish.

Ish natijalari bitta mavzuga oid, biroq bir-biridan masshtablari bilan farq qiluvchi 3 ta kartadan olingan nusxalar hisoblanadi.