Geografiya fanidan

Sud ishtirokchilari: Hakam, ikki maslahatchisi, davlat ayblovchisi, himoyachi, kotib va guvohlar.
Kotiba:Turinglar Sud kelayapti!
Hakam: O’tiringlar. Bugun «O’zbekiston tabiatini muhofaza qilish» mavzusida tabiatni inson ustidan shikoyati yuzasidan 7-sinfda o’tkaziladigan sud majlisini ochiq deb e’lon qilaman. So’z ayblovchiga.
Davlat ayblovchisi: O’zbekiston tabiatiga inson ta’siri tobora ortib, natijada uning ba’zi o’lkalarida – Orol bo’yida, Surxon vodiysida, Quyi Amudaryoda, shu jumladan o’lkamizda ekologik holat yomonlashib bormoqda.
Axir jahongir bobomiz A.Temur kabi dono hukmdor mug’ullar istilosi tufayli xarobaga aylangan o’zbek davlatchiligini Movaraunnahrni eng gullab yashnagan o’lkaga aylantirgan edi-ku. Qadimiy shahrimiz Samarqandda bobokalonimiz barpo etgan Bog’ibaland, Bog’inav, Bog’idilkusho, Bog’ichinor singari jannatmakon boqlar qani? U davrda inson tabiatga oqilona munosabatda bo’lgan, tabiat musaffo bo’lgan. Hatto 1403-1404 yillar Samarqandda bo’lgan Ispaniya elchisi de Klavixo ham o’lkada olib borilgan obodonchilik va binokorlik ishlaridan hayratda qolgan. Nega endi inson shunday joylarni xarobaga aylantirib, atrof-muhitni ifloslayapti. Bu esa tabiatni o’z-o’zidan tiklanish xususiyatini yo’qotadi.
Shu sababli inson yo’l qo’yayotgan xato va kamchiliklarni yo’qotish maqsadida mustaqil O’zbekiston Qomusida ko’rsatilgan qonun va qoidalar majmuasining tegishli bandlariga muvofiq hukm chiqarasiz deb o’ylayman.
Hakam: So’z O’zbekiston tabiatini muhofaza qilish himoyachisiga.
Himoyachi: Men yuqoridagi ayblov fikriga qo’shilmayman. O’zbekiston tabiatini muhofaza qilish, havosini toza saqlash uchun har bir korxona doirasida zamonaviy uskunalar bilan jihozlangan tozalovchi uskunalar qurilmoqda. Bunda havoni ifloslovchi moddalarni ushlab qolib, ulardan qayta foydalanish vujudga keladi. Korxonalarda ko’plab chiqindi chiqaruvchi eski dostgohlarni ham yangilariga almashtirilib, ilg’or texnologik jarayonlar joriy qilinmoqda.