Geografiya fanidan

O’quvchilarga tavsiya etiladigan noan’anaviy dars turlari.

Aqliy hujum

«Aqliy hujum» - sinfdagi har bir o’quvchiga qo’ygan savol yoki muammo yuzasidan o’z fikrini bayon etishga imkon beruvchi o’quv uslubidir. Uslub mohiyati «bir kalla – yaxshi, yigirmatasi undan a’lo» prinstipi bo’yicha o’qituvchi tomonidan belgilangan muammo yoki savol yuzasidan ehtimol tutiladigan hamma fikrlar variantlarini bir erga jamlay olishida bo’lib, istesno tariqasida ta’lim oluvchilarning barcha fikrlari, shu jumladan aytarli to’g’ri bo’lmaganlari ham inobatga olinadi.

«Aqliy hujum» o’tkazish uslubiyati.
1. O’qituvchi sinfga savol yoki topshiriq beradi va o’quvchilarga o’z fikrlarini aytishni taklif etadi.
2. Barcha fikrlar yozib boriladi.
3. Eng muhim fikrlar ajratilib olinadi.
O’tkazish qoidalari.
1. Belgilangan vaqt reglamentga rioya etish lozim.
2. Barcha hohlovchilarga o’z fikrini bayon etish imkoniyatini berish kerak.
3. O’quvchilar tomonidan aytilgan fikrlar tanqid va muhokama qilinmasligi yoki baholanmasligi lozim.

Tanqidiy tafakkur

Tanqidiy tafakkur uslubi o’quvchi qo’yilgan masala yoki muammo yuzasidan o’z fikrini bayon qilish, o’zgalarning fikrlarini tanqidiy qayta idrok etish, o’z nuqtai nazarini asoslab berish imkoniyatiga ega bo’lishga asoslangandir. Odatda bunday zaruriyat mubohasa xarakteriga ega masalalarni hal etayotganda yuzaga keladi. Masalan: «Insoniyatning global muammolari», «Fan-texnika inqilobi» mavzularida.

Bu narsa o’qituvchiga o’quvchilarning tinglash va muloqot qilish ko’nikmalarini, turli nuqtai nazarlarni tushunish ko’nikmalarini, turli nuqtai nazarlarni tushunish malakasini rivojlantirish, bahsli masalalarni hal qilishga tahliliy mushohada yuritish, ularning o’z fikrini shakllantirish mahoratini mustahkamlash imkonini beradi.


O’tkazish uslubiyati.
1. O’quvchilarga mubohasa xarakteridagi muammo, topshiriq yoki chalkash masala qo’yiladi va quyidagi savollar beriladi.
Nima deb o’ylaysiz?
Fikringiz qanaqa?
Sizningcha qanday?
Bu kabi savollar o’quvchi o’z nuqtai nazarini shakllantirishga yo’naltirgan bo’ladi.
2. O’quvchiga o’z nuqtai nazari, fikrini ishlab chiqish uchun imkoniyat va fursat beriladi.
3. O’qituvchi ko’rib chiqilayotgan masala yuzasidan boshqa ta’lim oluvchilarga so’zlash imkonini beradi.