Geo iqtisod 9-uzb-5-2013. indd

Savol va topshiriqlar
1. Janubiy Amerika davlatlarini nima uchun ko‘pincha Lotin Amerikasi mamlakatlari 
deb ham atashadi?
2. Karib havzasi mamlakatlarining qaysilari mustaqil, qaysilari mustamlaka 
mamlakatlardan iborat?
66-§. Janubiy Amerika, Karib dengizi va Atlantika okeani havzasi 
mamlakatlarining xo‘jaligi, transporti, tashqi iqtisodiy aloqalari
Tayanch iboralar
Neft, gaz, oltin, olmos, boksitlar, o‘rmon, gidroenergiya, kofe, banan, shakarqamish, 
qoramolchilik, qo‘ychilik.
Janubiy Amerika, Karib dengizi va Atlantika okeani havzasi mamlakatlarining 
xo‘jaligi o‘rtacha rivojlanish darajasiga ko‘ra Osiyo va Afrikadagi rivojlanayotgan 
davlatlarga nisbatan sezilarli ustunlikka egadir. Ammo sanoat Lotin Amerikasida 
bir tekis rivojlanmagan. Hozirgi paytda sanoat Argentina, Braziliya, Urugvay, 
Yamayka, Kuba, Puerto-Riko, Trinidad, Tobago va Chilida mintaqaning boshqa 
davlatlariga nisbatan yuqori darajada rivojlangan. Sanoatning barcha tarmoqlari 
mavjud. Tog‘-kon sanoati Venesuela (neft), Chili (mis, fosforitlar), Braziliya 
(temir rudasi, olmos, oltin), Boliviya (tabiiy gaz), Surinam, Yamayka (boksitlar) 
va boshqa mamlakatlarda mavjud.
Qayta ishlovchi sanoatdan qora metallurgiya (Braziliya), rangli metallurgiya
Braziliya, Chili, Yamayka va Surinam davlatlarida rivojlangan. Elektroenergetika 

---

191
Braziliya, Argentina, Chili, Venesuela, Surinam va boshqa qator mamlakatlar da 
mavjud. Mashinasozlik korxonalari barcha mamlakatlarda faoliyat ko‘rsatmoq da. 
Avtomobilsozlik Venesuela, Braziliya va Argentinada yuqori darajada taraq qiy 
etgan.
Kimyo va neft-kimyo sanoati Braziliya va Venesuelada, yog‘ochni qayta 
ishlash Braziliyada tovar ahamiyatiga ega.
Mintaqadagi barcha mamlakatlarda yengil va oziq-ovqat sanoati tarmoq-
larining korxonalari faoliyat yuritadi.