Genomika asoslari

DUSHANOVA G.A., RUZIYEV F.A.


GENOMIKA ASOSLARI
(O’quv qo’llanma)



Dushanova G.A., Ruziyev F.A. Genomika asoslari. O’quv qo’llanma. -Samarqand: SamDU nashri, 2021. – 270 bet.

Mazkur o’quv qo’llanma --- ta bosh mavzularidan iborat bo’lib, kirish, genomika fanining qisqacha tarixi, maqsadi va vazifalari, turli xil organizmlar genomining tuzilishi va xususiyatlari, genom molekulyar tuzilishi, DNK, RNK tuzilishi va funktsiyasi, eukariotlar va prokariotlar genomining tuzilishi va faoliyatining xususiyatlari, replikatsiya jarayonlari, transkriptsiya, translatsiya jarayonlari, oqsil biosintezi va uning ahamiyati, genomning DNK darajadagi tahlili, tibbiyot genomikasi va uning ahamiyati, genomikani o’rganishda bioinformatikaning roli, farmakogenetika, kartalashtirish dasturlari, genlarning filogenetik shajaralarini o’rganish kabi ma’lumotlar yoritilgan.

Mazkur o’quv qo’llanmadan universitetda biologiya va biotexnologiya yo’nalishi bo’yicha ta’lim olayotgan talabalar foydalanishlari mumkin.

Mas’ul muharrir: dots. Hayitov D.G’.

Taqrizchilar: Tibbiyot fanlari doktori, professor Sh.X. Ziyadullayev
Biologiya fanlari nomzodi, dots. M.G. Safin

Samarqand davlat universiteti, 2021.
SO’Z BOSHI
Genomika asoslari bo’yicha o’quv qo’llanma genom tadqiqotlarining dolzarb muammolariga bag’ishlangan bo’lib, tirik organizmlar shuningdek inson genomi tarkibini o’rganish, DNK to’liq strukturasini aniqlashga qilingan ishlar sohasiga bag’ishlanadi. O’quv qo’llanmada genomika molekulyar-genitik asoslari sifatida, organizm irsiy materialining strukturaviy va funktsional holati yoritilgan. Tahliliy materiallar sifatida, turli xil organizmlarning viruslar va eukariotlar genomi bo’yicha ma’lumotlar keltirilgan. Shu bilan birga, genomlar bo’yicha ma’lumotlar bazalari va ularning internetdagi manzili yoritilgan. Post genom epohasi davridagi, 2001 yillardan so’nggi turli organizmlarning genomlarini o’rganish bo’yicha olib borilgan tadqiqotlar va inson genomi bo’yicha genom tadqiqotlari to’g’risidagi ma’lumotlariga tasnif berildi.
Hurmatli talaba! O’ylaymizki, keltirilgan ma’lumotlar ushbu fan bo’yicha kerakli samarali bilimga ega bo’lishga va amaliyotga qo’llashga katta yordam beradi.