Gazlerdi tazalaw

Batareyalı ciklon bir neshe parallel jalǵanǵan kishi diametrli (150...250 mm) ciklonlardan payda bolǵan (3.30-súwret).
Ciklon elementleri diametriniń kishkeneligi, oraydan qashıwshı kúsh hám shóǵıw tezligin joqarılatıw imkániyatın beredi. Kishi ólshemli ciklonlar qurılmadaǵı eki tosıqqa bekkemlenedi. Qurılmaǵa kiriw patrubkası arqalı jiberilgen shań gaz bólistiriw kamerasına kiredi hám ol jerden barlıq ciklon elementlerine bir túrde tarqaladı. Soń elementlerge gaz tangensial baǵıtta emes, bálkim olardıń tóbesinen ciklon qabıǵı hám oraylıq shıǵıw trubası arasındaǵı saqıyna tárizli boslıqqa jiberiledi. Usı saqıyna tárizli boslıqta aǵımǵa spiral tárizli aylanba háreket baǵdarın támiyinlew ushın ol jerge vintli qanatlar ornatıladı. (3.31-súwret).
Ciklon elementlerinen ótıp tazalanǵan gazler oraylıq truba 1 arqalı ulıwma kameraǵa jıynaladı hám shıǵıw shtucerinen sırtqa jiberiledi.
Hámme ciklon elementlerinde uslap qalınǵan qattı bóleksheler batareyalı ciklonnıń tómengi bólegi 5 de toplanadı hám onnan soń sırtqa tógiledi. Eger bir neshe úlken ciklonlardı ekanomıkalıq jaqtan qollanıw maqsetke muwapıq bolmasa, gazlerdiń sarıplanıwı úlken processlerde batareyalı ciklonlar qollanıladı. Ciklonlarda ólshemi 10 mkm hám onnan az bolǵan qattı bólekshelerdi shóktiriw usınıs etiledi. Batareyalı ciklonlardıń tazalaw dárejesi 65...85% (d = 5 mkm li bóleksheler ushın), 85...90% (d = 10 mkm lı bóleksheler ushın) hám 90...95% (d = 20 mkm bóleksheler ushın).

Batareyalı ciklon 1 – qabıq; 2 – gaz bólistiriw kamerası; 3 – reshyotka; 4 – ciklon elementi; 5 –bunker	Batareyalı ciklon elementi. 1 – oraydan shıǵıw trubası; 2 – vintlı qanatlar; 3 – qabıq; 4 – konus tárizli túp