Gazlamalarni bichishga tayyorlash va bichish gazlamani qabul qilish

Ishlab chiqarishni standartlashtirish deganda bu hamma uchun umumiy bo'lgan va bajarilishi majbur bo'lgan shart-sharoitlar va koidalarni yaratishdan iboratdir.
Ishlab chiqarishni texnik tayyorlashni o'zi, quyidagi qismlardan tashkil topadi²:

1. 
   Ishlab chiqarishni konstruktorlik tayyorlashni tashkil qilish;
   
2. 
   Ishlab chiqarishni texnik tayyorlashni tashkil qilish;
   
3. 
   Ishlab chiqarishni iqtisodiy tayyorlashni tashkil qilish.
   

Ishlab chiqarishni texnik tayyorlash quyidagi bosqichlarda amalga oshiriladi:

• 
  dastlabki ma‘lumotlarni to'plash;
  
• 
  yangi mahsulotni ishlab chiqish bilan bog'lik bo'lgan ishlab chiqarish jarayonini loyihalash;
  
• 
  iqtisodiy samaradorligini hisoblash, yangi mahsulotlarni ishlab chiqariladigan potoklarning iqtisodiy samaradorligini hisoblash.
  

6.3. Bichuv tsexi vazifalari

Bichish tsexining asosiy vazifasi – tikuv tsexlarini bichiq bilan bir tekis beto'xtov ta‘minlashdir. Bichish tsexi tajriba, tayyorlov va tikuv tsexlari, furnitura ombori, bosh mexanik bo'limi bilan bog'langan holda ish olib boradi. Tayyorlov tsexidan gazlama to'plarini va bichish uchun hujjatlarni oladi, tajriba tsexdan andozalarni, texnik hujjatlarni, gazlama sarfini va joylama nusxasini tayyorlab beradi, furnitura omboridan har bir buyum turi uchun furniturani, bosh mexanik bo'limidan texnik jihozlarni va ehtiyot qismlarni oladi, tikuv tsexiga komplektlangan bichiqlarni tayyorlab beradi.
Bichish tsexida quyidagi texnologik operatsiyalar bajariladi:

• 
  gazlama qavatlarini to'shash.
  
• 
  To'shama sifatini tekshirish.
  
• 
  To'shama yuqori qavatida bo'rlama bajarish yoki tayyor bo'rlamani yozib,o'chgan bo'r chiziqlarini tiklash.
  
• 
  To'shamani tamg'alash.
  
• 
  To'shamani rasmiy hujjatlantirish.
  
• 
  To'shamani bo'laklarga bo'lish va asosiy katta buyum detallarini qirqib olish.
  
• 
  buyum o'rtacha va mayda detallarini tasma pichoqli bichish mashinasida qirqib olish.
  
• 
  bichiqlar sifatini tekshirish.
  
• 
  bichiqlarni komplektlash.
  
• 
  buyum detallarini nomerlash.
  
• 
  preyskurant yorliq va kalkulyatsion talonlarni chop etish.
  
• 
  buyumni yo'l varaqasini yozish.
  
• 
  bichiq detallarini komplektlash va preyskurant yorlig'i, kalkulyatsion taloni va yo'l varaqasi bilan bog'lash.
  
• 
  bichiqlarni saqlash va tikuv tsexiga uzatish.
  

Bichish tsexini tizimi tajriba va tayyorlov tsexlarining tizimlari bilan bog'liq. Shuning uchun yuqorida qayd etilgan texnologik operatsilar tarkibi bichish tsexida tanlangan tashkiliy-texnologik yechimiga bog'liq.
Bichish texnologik jarayonini ratsional variantini tanlashda bichish tsexining ko'p variantli hisoblari olib boriladi va ularning asosiy texnika-iqtisodiy ko'rsatkichlari taqoslanadi: mehnat unumdorligi, bitta bichiqni tayyorlashga sarflanadigan vaqt va uning tannarxi, ishlab chiqarish maydonidan foydalanish koeffitsiyenti va boshqalar. Bichish texnologik jarayonini loyihalash uchun dastlabki ma‘lumot sifatida korxonaning ishlab chiqarish dasturi olinadi.