Gazlamalarni bichishga tayyorlash va bichish gazlamani qabul qilish

6.5. Gazlamalarni bichish va bichuv tsexining yakuniy ishlarini bajarish

Tikuvchilik korxonalarida turli xil gazlamalardan turli assortimentda buyumlar tikiladi. Ularni bichish uchun xilma-xil asboblar ishlatiladi. Hozirgi kunda uch xil bichiq usullari mavjud: mexanik, termofizik, termomexanik.
Ulardan mexanik usuli eng tarqalgan bo'lib, tikuv korxonalarida keng qo'llanalmoqda.
To'shamani bo'laklarga bo'lish xamda ulardan yirik detallarni qirqib olish vertikal va disk pichoqli ko'chma bichish mashinalarida bajariladi. Bichiq detallar komplektlangandan so'ng nomerlanadi. Detallarni nomerlash uchun 68-A kl mashinasi ishlatiladi. Talonlar bitta ipli zanjir chok bilan tikiladi.
Bulardan asosiysi gazlama bo'laklarini to'shaganda faqat bir tomonini tekislash kerak. Gazlamalar to'shalganda ostidagi to'shalgan gazlamalarni surilib ketmasligiga ahamiyat berishi kerak. To'shamalar mashinada bajarilganda bu ishni bitta ishchi amalga oshiradi, chunki to'shama tayyorlaydigan mashinalar ma‘lum belgilangan programma asosida ishlaydi.
Bo'rlamalar fabrikaning eksperimental tsexida yoki ko'pincha bichish tsexlarida tayyorlanadi. Bo'rlamani yuqori malakaga ega bo'lgan ishchilar bajaradi. Bo'rlama deganda to'shamaning ustki bo'lagi tushunilib, bunda shu bo'lakning ustida ma‘lum razmer va rostdagi buyumning detallari joylashtiriladi.
Qirqish ikki bosqichda amalga oshiriladi.

1. 
   Q o'zg'aluvchan elektr bichish mashinalarida to'shama alohida-alohida bo'laklarda ajratiladi.
   
2. 
   Lentali bichish mashinalarida buyum detallari alohida kirqiladi.
   

Bichilgan detallar tsexning keyingi uchaskasiga uzatiladi. Bunda, detallarga tartib raqamlari qo'yiladi. Astar va qotirmaga raqamlar ko'pincha qo'lda bor yoki qalamda yoziladi. Raqam qo'yilgan detallar yig'ishtiruv uchastkasiga yuborilib bu yerda bir buyum uchun kerakli bo'lgan hamma detallar yig'iladi, marshrut varag'i to'ldiriladi va ushbu hujjat bilan buyum detallari omborga yoki tikish tsexiga uzatiladi.
Bichish tsexida ham ishlab chiqarish potoksiz usulda amalga oshiriladi. Har bitta ishchi o'ziga berilgan ishlab chiqarish vazifasi asosida ishini davom ettiradi.

1^ M.Azlarova, G.Shanazarova. ―Yengil sanoat texnologiyasi‖ fanidan ma`ruza darslari uchun o`quv-uslubiy majmua.– T.: Iqtisodiyot, 2017 yil., 82-б.

2^ M.Azlarova, G.Shanazarova. ―Yengil sanoat texnologiyasi‖ fanidan ma`ruza darslari uchun o`quv-uslubiy majmua.– T.: Iqtisodiyot, 2017 yil., 88-б.

3^ Azlarova M.M., Shanazarova G.B. Yengil sanoat texnologiyasi. O‘UM. –T.: TDIU, 2017, 95-b.