Gazandadoshlar tuqimlasinin dorilik turlari, biologiyasi, ekologiyasi, xaliq xo’jaligidagi ahamiyati

Dorivor gulxayri- Althaea officinalis L. Ko’p yillik o’t bo’lib, bo’yi - 70 - 150 sm. Poyasi tik o’sadi, biroz shoxlangan. Barglari tuxumsimon, uchburchak -yuraksimon. Ba’zan 3-5 bo’lakli. Gullari barg qo’ltigidan chiqqan qisqa gulbandlarda 3-5 tadan joylashadi. Gultojisi — 5 ta, ostki kosacha barglari 6 - 9 ta qalami yoki nashtarsimon, ichki kosachabarglari 5 ta qo’shilib o’sgan. Changchilari ko’p. Mevasi mevabarglarning bir-biridan ajralishi natijasida hosil bo’ladigan yong’oqchalardan iborat uvoq meva. To’qayzor, nam yerlarda o’sib, muhim dorivor va manzarali o’simlik hisoblanadi (4-rasm).

Gul formulasi:*Ca₃₊₍₅₎Co₅A_~G_~

Oila vakillaridan go’za (Gossypium) turkumi, uning o’nlab navlari O’zbekistonda ekiladi. Bundan tashqari bu oilaga mansub tolali, bo’yoqbop, yem-xashak, manzarali, dorivor va boshqa turlari ko’p o’sadi. Masalan, go’za (Gossypium) turkumi, dag’al kanop (Abutilon thioprasti), dorivor gulxayri (Althaea officinalis), tugmachagul (Malva) va boshqalar. Siriya bo’ritaroqi (Hibiscus syriacus) ochiq joylarda, Xitoy rozasi (Hibiscus rosae sinensis) xonalarda o’stiriladi.