G‘allaorol tuman 2-son kasb-hunar maktabi “tasdiqlayman” ishlab chiqarish bo’yicha direktor o‘rinbosari m. Aripova

QALQOVICHLI TIZIM
Qalqovichli tizim yonilg’ining me’yoriy sathini bir me’yorda saqlanib turishini ta’minlaydi. (2-rasm).

2-rasm. Qalqovichli tizim:
1-qalqovich; 2-ninasimon klapan; 3-yonilg’ini kiritish (uzatish);
4-qalqovichli bo’linma; 5-ortiqcha yonilg’ini qaytishi.
Yonilg’i sathi pasayishi qalqovich 1 bilan birgalikda ninasimon klapan 2 ni pasayishini hamda benzinni qalqovichli bo’linmaga kirishiga yo’l ochadi. Ninasimon klapanni pastga va yuqoriga xarakatlanishi oqibatida, qolqovichli bo’linmada benzinning me’yoriy sathi saqlanib turadi.

DVIGATELNI ISHGA TUSHIRISH TIZIMI;

Bu tizimga o’rnatilgan elektromagnit klapan solenoid 2, o’t oldirish kalitini burab ulanganida ochiladi va kalit orqali burab uzilganida yopilib, benzin o’tkazishni to’xtatadi, 3-rasm.





3-rasm. Dvigatelni ishga tushirish tizimi
1-asosiy jiklyor; 2-solenoid; 3-salt ishlashning №1 havo jiklyori; 4-salt ishlashining № 2 havo jiklyori; 5-salt ishlashning yonilg’i jiklyori; 6-salt ishlashning aralashmani o’tkazish teshigi; 7-salt ishlashning chiqarish patrubkasi; 8-salt ishlashni rostlash vinti;

Asosiy jiklyor 1 dan o’tayotgan, salt ishlashning yonilg’i jiklyori 5 da o’lchanib, salt ishlashning №1 havo jiklyorlari 3 va salt ishlashning №2 havo jiklyori 4 da o’lchangan havo bilan aralashadi. Hosil bo’lgan aralashma salt ishlashning chiqarish patrubkasi 7 va o’tkazish teshigi 6 orqali, drossel to’sgichining ochilishiga mos ravishda kiritish kollektoriga so’riladi.

Asosiy dozalovchi tizim



4-rasm . Asosiy dozalovchi tizim
1-asosiy havo jiklyori № 1, 2-asosiy havo jiklyori №2; 3-asosiy purkagich;
4-asosiy yonilg’i jiklyori; 5-asosiy jiklyor patrubkasi.
Qalqovichli bo’linmadagi benzin asosiy jiklyor 4 dan aniq o’lchanib o’tkaziladi va asosiy havo jiklyorlari № 1, №2 dan o’tgan havo bilan asosiy patrubka 5 da aralashib, asosiy purkagich 3 orqali diffuzor bo’linmasiga yuboriladi. (4-rasm).