Г. И. Мухамедов 2021 йил Тошкент вилояти Чирчиқ давлат педагогика институти ҳузуридаги dsc

Раис, б.ф.д., проф. Р.А.ЭШЧАНОВ: педагогика фанлари бўйича фалсафа доктори, доцент Н.С.Хайтуллаева томонидан берилган тақриз ижобий, хулосангиз учун раҳмат. Марҳамат, тадқиқотчи иккинчи расмий тақризчи педагогика фанлари доктори, доцент Н.С.Хайтуллаева фикрларига жавоб беришингиз мумкин.
Тадқиқотчи А.Р.САТТАРОВ: – Мен педагогика фанлари бўйича фалсафа доктори, доцент Н.С.Хайтуллаева устознинг тадқиқот иши юзасидан билдирган фикр ва мулоҳазалари учун ўзимнинг миннатдорчилигимни билдираман. Албатта, таъкидлаб ўтилган эътироз ва камчиликларни бартараф этаман.
Раис, б.ф.д., проф. Р.А.ЭШЧАНОВ:.
Диссертация расмий муҳокамаси тугади. Умумий муҳокамага ўтамиз. Сўзга чиқувчилар борми?. Марҳамат!
Сўзга чиқувчилар:
Ф.-м.ф.н., доцент Хайдаров Илхом Қудратович: - Тадқиқотчи яратган мобил иловани фақат расмларда эмас, балки реал ишлатиб кўрсатганда анча тушунарли бўлар эди. Умуман олганда диссертация иши яхши бажарилган, уни ҳимояга тавсия этаман.
П.ф.д., профессор Эрназарова Гулнора Облакуловна.
Тадқиқотчи мавзулари инновацион методик лойиҳалар билан боғлиқ. Шу ҳақида маълумотларни авторефератларида кўпроқ маълумотларни кўрсатиб ўтсалар мақсадга мувофиқ бўлар эди. Умуман олганда диссертация иши яхши бажарилган, уни ҳимояга тавсия этаман.
П.ф.ф.д.(PhD) Қорахонова Лобар Мусахоновна.
Тадқиқотчи томонидан диссертация автореферати яна бир бор кўриб чиқилиши лозим. Ундаги айрим камчиликлар бартараф этилиши, яратилган янги лаборатория ва макетларга оид назарий маълумотлар киритилиши лозим. Диссертация иши яхши бажарилган, уни ҳимояга тавсия этаман.
Т.ф.д., профессор Эргашов Махаматрасул: - Тадқиқотчи кўпроқ ўз устида ишлаши, регламент бўйича белгиланган вақтдан чиқиб кетмаслигини, маъруза вақтида иложи борича эркин ва равон, ёддан гапириб беришга ҳаракат қилиши лозимлигини таклиф сифатида билдираман. Умуман олганда диссертация иши яхши бажарилган, уни ҳимояга тавсия этаман.
Раис, б.ф.д., проф. Р.А.ЭШЧАНОВ: - Марҳамат! Яна сўзга чиқувчилар борми.? (кенгаш аъзолари: йўқ). Сўзга чиқувчиларнинг фикр-мулоҳазаларига жавоб бериш учун сўз тадқиқотчи-А.Р.САТТАРОВга. Марҳамат.