Г. И. Мухамедов 2021 йил Тошкент вилояти Чирчиқ давлат педагогика институти ҳузуридаги dsc

Эътиборингиз учун раҳмат!
Раис, б.ф.д., проф. Р.А.ЭШЧАНОВ: - Семинар аъзоларида маъруза юзасидан қандай саволлар бор?
Педагогика фанлари бўйича фалсафа доктори (PhD) Ф.Т.РАЖАБОВ: - Менда иккита савол бор. 1. Тадқиқот ишида вазифаларнинг 3-чисида хорижий тажрибаларни ўрганиш белгиланган дейилган. Сиз айнан қайси давлатлар тажрибаларини ўргандингиз?
2. Тадқиқотнинг жорий қилинишида жорий қилинганлиги тўғрисида далолатнома ёки маълумотномалар келтирилмаган. Мана шу семинарга қўйгунингизга қадар ҳар бир тадқиқот ишини жорий қилмаганмисиз ёки далолатнома ва маълумотномалар олинмаганми?
Тадқиқотчи А.Р.САТТАРОВ: - Раҳмат домла саволингиз учун.
1. Хорижий тажрибалардан, АҚШ, Швеция, Буюк Британия, Япония, Россия каби давлатлар олимларининг ишлари ўрганилди.
2. Албатта, бу презентацияда акс этмаган бўлсада, тадқиқот ишида жорий этилган, далолатномалар олинган. Тадқиқот ишларида презентацияда кўрсатилганидек Жиззах давлат педагогика институти, Навоий давлат педагогика институти, Қўқон давлат педагогика институтларининг 334 нафар респондент-талабалари иштирок этган. Тадқиқот ишлари якунида ҳар бир олий ўқув юртларидан тажриба синов ишлари бўйича тегишли далолатномалар олинган. Бу далолатномалардан ҳаммаси методик семинарга тегишли ҳужжатлар сифатида тақдим этилган.
Физика-математика фанлари номзоди, Қ.У.БОБОХОДЖАЕВ: - Талабгорга шундай саволим бор эди. 1. Қайси таълим йўналиши талабалари учун қайси фан бўйича мобил илова яратилган ва қандай фойдаланилган?
2. Т.Шойимардонов, И.Эшмухамматов ишларида ҳам таълим ахборот коммуникацияларни жорий қилиш ўрганилган. Сизнинг ишингиз билан фарқли ва ўхшашлиги жиҳатларини айтиб бера оласиз?
Тадқиқотчи А.Р.САТТАРОВ: - Раҳмат саволингиз учун. 1. Мобил илова педагогика олий ўқув юртларининг 5110700 – “информатика ўқитиш методикаси” таълим йўналиши талабалари учун яратилган. “Web дизайн” фани ушбу йўналиш талабалари учун умумкасбий фанларидан бири ҳисобланади.
2. Т.Шоймардонов ва И.Эшмухаммедовларнинг маълумотларидан фойдаланиб ишларини ўргандим,. Уларнинг ишларидан бизнинг ишимизнинг асосий фарқи шундаки, биз кўпроқ мобил қурилмалардан, мобил иловалардан ва уларнинг имкониятларидан таълим жараёнини олиб боришда фойдаландик.