Fuqaro himoyasi

4. Biologik shikastlangan o'choqda QTBI.
Biologik shikastlangan o'chokda esa tibbiy - epidemiyaga qarshi tuzilmalar tarafidan biologik razvedka ishlari uyushtiriladi. Ular biologik vositalar turini, qo'llanilish usulini, aholi orasida va hududlarda tarqalishini, xavflilik darajasini, karantin yoki observatsiya rejimini qo'llanilishini, oziq - ovqat mahsulotlar, suv, yemlarning zararlanganligini aniqlab beradilar.
Hududlarning FM boshliqlari olingan ma'lumotlarga asoslanib QBTI tashkillaydilar. Bu ishlarni olib borishda biologik shikastlangan o'choqtsa sanitar - epidemiologik maskan, vetYerinariya maskani, epidemiyaga qarshi harakatlanuvchi va ixtisoslashgan otryadlar, shifoxonalar, poliklinika, veterinariya tarmoqlari va boshqa tibbiy tarmoqlari jalb etiladi.
Umumiy qilib aytganda biologik o'choqda olib boriladigan kechiktirib bo'lmaydigan ishlarga quyidagilar kiradi:
- biologik razvedka ishlarini uyushtirish;
- o'ta xavfli yuqumli kasalliklar hududida karantin e'lon qilish;
- aholi orasida tushuntirish ishlarini olib borish;
- kasallangan odamlarni aniqlab, davolash muassasasiga jo'natish;
- bemor bilan aloqada bo'lgan odamlarni nazoratga olish;
- kasallik qo'zg'atuvchisi aniqlangan joylarda zararsizlantirish ishlari (chiqindilarni yo'q qilish, dezinfektsiya, dezinsektsiya, dYeratizatsiya)-ni olib borish;
- zarur deb topilganda epidemiologik holatga ko'ra aholi orasida emlash ishlarini olib borish;
- odamlar to'lanadigan joylar, suv manbalari va ovqatlanish tarmoqlarida sanitariya nazoratini o'rnatish.
Ayniqsa o'ta xavfli yuqumli kasalliklar (o'lat, vabo va b.) tarqatuvchilaridan saqlanish uchun kuchli profilaktik omillar olib borish juda muhimdir. Bunday o'choqlarda ish olib borishda SHD-2, gazniqoblar va himoya kiyimlaridan foydalaniladi.
Hududda kasallik qo'zg'atuvchisining aniq turi topilgandan keyin, unga qarshi maxsus dorilardan foydalaniladi. SHundan keyin shikastlanganlarning kasallanish holatiga qarab har xil darajada tuzatish muolajalari olib boriladi. Ular darhol kasalxonaga yotqiziladi va juda og'irlari ma'lum joyga, maxsus guruxlar yordamida evakuatsiya qilinib o'sha eYerda davolanadilar. Biologik o'choqning tugatilishi u yerdagi oxirgi kasal odamning tuzalib ketish vaqti bilan aniqlanadi. Biologik o'choqda harakatlanuvchi qismlar, u yerdagi yuqumli kasallik bilan kasallanmasliklari uchun hamma omillarni olib borishlari kerak, ya'ni kasallar bilan muloqotda bo'lmaslik, inshootlar, xonalar, atrof - muhitni zararsizlantirib turilishi, kiyim - kechaklarni de-zinfektsiya qilinishi va o'zini sanitar - qayta ishlovdan o'tkazib turish talab etiladi. Mana shularga rioya qilib, harakatlanuvchi tuzilmalar hech qanday yo'qotishsiz, o'z vazifalarini bajarib boradilar.