Фуқаролар соғлиғини сақлаш тўғрисида

Бўлим катта прокурорлари ва прокурорларининг ваколатлари:
Вазифалар тақсимотига асосан қуйи прокуратура бўғин­ларига берилган кўрсатма ва топшириқларни, Бош прокурорнинг соҳавий буйруқларининг бажарилиши устидан назорат олиб бо­радилар, шунингдек, предмет бўйича қонунийлик аҳволи ҳамда ҳисобот кўрсаткичларини таҳлил қилган ҳолда умумлаштиради­лар ва соҳа йўналишидаги мавжуд муаммоларни бартараф этиш борасида бўлим раҳбариятига таклифлар киритиб борадилар.
Ўзларига бириктарилган минтақа ва соҳада прокурорлик назоратининг аҳволи учун шахсан масъул бўлиб, Бош прокурор­нинг буйруқ ва кўрсатмалари, республика Бош прокуратураси ҳайъат мажлисларининг соҳага оид қарорларини жойларда бажа­рилиши устидан назорат олиб борадилар, қуйи прокурорларнинг назорат соҳасидаги фаолиятларини текшириш ва амалий ёрдам кўрсатиш учун жойларга чиқадилар, аниқланган хато ва камчи­ликларни бартараф этиш юзасидан таклиф берадилар.
Бўлимнинг ҳамда соҳанинг қуйи тармоқлари ишини ташкиллаштириш, жойларда текширишлар ўтказиш, иш услуб­ларини такомиллаштириш ва илғор тажрибаларни ёйиш тўғриси­да таклифлар тайёрлайдилар, услубий тавсиялар ва қўлланмалар лойиҳаларини ишлаб чиқадилар.
Бош прокуратурада фуқароларни қабул қилишни таш­киллаштирадилар, шахсан қабул қиладилар
Шахсий қабулда фуқаролардан олинган мурожаатлар­нинг ҳисобини юритадилар ва уларни умумлаштириб бўлим бошлиғига тақдим этадилар.
Ариза ва шикоятлар билан Бош прокуратурада қабулда бўлган фуқаролар томонидан кўтарилган масалалар юзасидан ах­борот ва бошқа маълумотларни йиғиб таҳлил қилган ҳолда умум­лаштирадилар ва натижалари юзасидан бўлим бошлиғига таклиф киритадилар.
Бош прокуратурада қабулда бўлган фуқароларнинг му­рожаатлари ҳамда Бош прокуратурага келиб тушган мурожаат­ларни кўриб чиқиб, уларнинг тегишли тармоққа тааллуқлилигини белгилайдилар.
Бўлимда иш юритишни ташкил қилиш:
Прокуратура органларида иш юритишни ташкил эташ тўғрисидаги Йўриқнома асосида ариза ва шикоятларни рўйхатдан ўтказадилар ва ҳисобини юритадилар.
Ариза ва шикоятларни ўз вақтида тегишлилигига қараб Бош прокуратуранинг бошқарма ва бўлимларига тарқатадилар, назоратга олинган ариза ва хатларни тегишлигига кўра раҳбари­ятга тақдим этадилар ва муносабат билдирилгандан сўнг китоб­ларга расмийлаштириб, назорат карточкаларини тўлдирган ҳолда ариза ёки хат билан биргаликда имзо қўйдириш йўли билан тар­моқларнинг нозирларига тарқатадилар.
Ариза ва шикоятларни алфавит асосида картотекада тўғ­ри расмийлаштириб борадилар, назорат ўрнатилмаган аризалар бўйича алфавит ва илова карточкаларига уларнинг ҳаракатлани­ши ҳақидаги маълумотларнинг ўз вақтида киритилишини таъмин­лайдилар, аҳамиятини йўқотган карточкаларни картотекадан чиқариб борадилар.
Жиноятлар ҳақидаги махсус хабарлар, оммавий ахборот воситаларида чоп этилган мақолалар, ҳужжатлар, юридик шахс­лардан келган ариза ва шикоятлар билан боғлиқ бўлмаган хат­ларни махсус китобларга расмийлаштириб, имзо қўйдириб тар­моқ нозирларига тарқатадилар.
Бош прокуратурага чақиртирилган жиноий, фуқаролик, хўжалик, маъмурий ишларни махсус китобларга расмийлаштара­дилар, алфавит бўйича картотекага қайд қилиб, имзо қўйдириб нозирларга тарқатадилар.
Бўлимда сақлаш муддати тугаган ҳужжатларни қабул қилиш, топшириш далолатномасига асосан Бош прокуратура ар­хивига топширадилар.
Бош прокуратура биноларига кириш-чиқишни тегишли йўриқнома талаблари асосида олиб борилишини таъминлайди­лар, шунингдек фаолият билан боғлиқ бошқа вазифаларни бажа­радилар.

Адабиётлар рўйхати:

1.Басков В.И. Прокурор назорати (дарслик, рус тилида) М.,”Бек” нашриёти, 1998.
2.Давлетов А. Дж. Прокурор назорати (дарслик, рус тилида). Нукус. Билим.1999.
3.Россия Федерациясида прокурор назорати. (дарслик, рус тилида/ А.А. Чувилёвнинг умумий таҳрири остида/ М., 2000.
4. Иноғомжонова З.Ф. умумий таҳрири остида Жиноят про­цесси (умумий қисм, дарслик, ўзбек тилида) Т.: 2002 й., «Янги аср авлоди».
5. Иноғомжонова З.Ф. умумий таҳрири остида Жиноят про­цесси (махсус қисм, дарслик, ўзбек тилида) –Т.: ТДЮИ.2003 й.