For our independence

Frontend дастурлаш бўйича мусобақаларни ўтказиш регламенти

Мусобақаларни ташкил этиш ва ўтказиш учун ташкилий қўмита тузилади. Ташкилий қўмита ҳакамлар ҳайъати тарикбини шакллантиради, мусобақаларни ўтказиш дастури ва иштирокчилар рўйхатини тасдиқлайди, мусобақани назорат қилади, танлов ишларини баҳолайди, якуний ҳулосалар чиқаради, ҳакамлик ҳайъати мажлислари баённомаларини расмийлаштиради, мусобақа натижалари ҳақида ҳулоса чиқаради, мусобақани ташкил этиш юзасидан турли масалалани ҳал қилади.

Frontend дастурлаш мусобақалари

Мусобақада якка тартибдаги иштирокчилар қатнашиши шарт.

Мусобақа Easy Quiz дастурида тест режимида бўлиб ўтади. Тестлар ҳар бир йўналиш бўйича 60 тадан савол-жавоб тариқасида бўлиб ўтади, хар бир савол учун 30 сония умумий 30 дақиқа вақт ажиратилади. Ғолиблар дастурда бажарган вақт ва тўғри бажарган жавоблар сонига қараб ўрин эгаллайдилар.
-Мусобақа ўтказиш давомида юзага келган тортишувлар ва саволлар бўйича эътироз билдириши мумкин.
-Рўйхатдан ўтган иштирокчилар мусобақаларга қўйилади.
-Ҳар бир тур бўйича хулосалар чиқариш ва ғолибларни тақдирлаш маросимлари мусобақанинг ёпилиш маросимида бўлиб ўтади.


Эътирозлар ва аппеляцияларни берилиши

Иштирокчи мусобақанинг бош ҳакамига мусобақа бошланишидан аввал эътироз билдириши мумкин. Мусобақага доир саволлар, қоидадан истистно ҳолатлар ва бошқалар ташкилий қўмитанинг исталган аъзоси билан турнир бошланишидан аввал муҳокама қилиниши мумкин.

Қўшимча шартлар

Барча иштирокчилар Ташкилий қўмита талаби бўйича «FOR OUR INDEPENDENCE» танловини ўтказиш ва хавфсизликни таъминлаш учун талаб этилаётган қўшимча ҳужжатлар ва маълумотларни беришлари шарт. Мусобақа вақтида иштирокчилар кўкракларида бейжиклари бўлиши шарт. «FOR OUR INDEPENDENCE» танловида иштирок этаётган меҳмонлар ва иштирокчилар (ёки масъул шахслар) томонидан фото ёки видео тасвирга олиш учун бевосита меҳмонлар ва иштирокчиларнинг (ёки масъул шахсларнинг) розилиги талаб этилмайди. Яъни «FOR OUR INDEPENDENCE» танлови иштирокчилари Ташкилий қўмитага ўз ихтиёрига кўра фото ва видео материаллардан фойдаланишга розилик билдирадилар. Шу билан бирга иштирокчилар (ёки масъул шахслар), мусобақада иштирок этиб, мусобақа натижаларини робототехника бўйича мусобақаларни оммавийлаштириш мақсадларида ишлатилишига розилик билдирадилар.