Физиология, психология, Г. Гельмгольц, психофизиология, психофизика, Э. Вебер, Т. Фехнер, В. Вундт, экспериментал психология, Э. Титченер, лаборатория методлари

1.Гипертим тип – домий кўтаринкилик, фаоллик, бирор иш орқали ўзини кўрсатишга интилувчан бўлиб, кўпинча тезда пайдо бўладиган кўтаринкиликлар натижасида ишини охиригача етказмайди ва уни ташлаб кетиши ҳам мумкин. Гипертим типли ўсмир – бу одатда ҳаддан ташқари ҳиссиётга берилувчанлик, қўзғалувчанлик сифатларига эга бўладилар. Бундай болалар ва ўсмирларга сал ортиқча гапирилса дарров йиғлаб юбориш ёки аксинча, қаттиқ хохолаб кулиш, йиғлаб туриб кулиш одатлари хосдир.
2.Хавотирланувчи тип – бу хусусиятининг асосий белгиси юқори хавотирланувчанлик, эътиборсизлик, эҳтиётсизлик, муваффақиятсизликлардан чўчиш, кишилар билан мулоқотга киришишда қийинчиликларга дуч келувчанлиги ва ижтимоий муҳит воқеа-ҳодисаларига секин мослашувчанлиги билан характерланади.
3.Дистимик тип – кўпинча кайфият тушкунлигини намоён этади. Шунинг учун улар доимий равишда тушкунлик кайфиятида юрганликлари туфайли кўпинча депрессияларга чалиниб туради. Ҳаётларида ҳамиша ёмон нарсалардан қочишга ҳаракат қиладилар. Қилаётган ҳар бир ҳаракатларининг оқибатини пухта ўйлаб кўрадилар.
4.Педантик тип – воқеа-ҳодисаларга, муаммоларга расмий тус беришга ҳаракат қилувчи, синчков, керакли-кераксиз нарсаларга ҳаддан ортиқ қизиқувчи, ўзини кўрсатишга интилувчан, саранжом-саришталикни хуш кўрувчи, маслаҳатгуй, ақлий ривожланиш даражаси суст, лекин ўзини ақлли кўрсатишга ҳаракат қилувчи болалар ва ўсмирлардан ташкил топган.
5.Жиззаки тип – анча урушқоқ ва агрессивликка эга, уларнинг кўпинча асаб томирлари таранг, салга ўзини йўқотиб, қуюшқондан чиқиб кетадиган, ҳамма нарсага шубҳа билан қаровчи, бўлар-бўлмасга тутоқиб кетадиган болалар ва ўсмирлардан ташкил топгандир.
6.Эмотив тип – ҳиссий кечинмаларга бой, воқеа-ҳодисаларга ҳиссий тус берувчи, ортиқча сўзамолликни намоён қилувчи, таъсирчан, қўрқоқ, ўзини кўрсатишга интилувчи, аффектга мойиллиги билан бошқалардан ажралиб турувчи болалар ва ўсмирлардир.
7.Аффектга мойиллиги юқори тип – бундай болалар ва ўсмирлар фаоллиги, қўзғалувчанлиги, ҳаракатчанлиги, воқеа – ҳодисаларга нисбатан кучли қўзғалишни намоён қилувчанлиги билан ажралиб турадилар. Шунингдек, улар ўз ҳатти–ҳаракатларини бошқаришда қийинчиликларга дуч келувчи, бўлар бўлмасга қизишадиган, асабийлик, жиззакилик хусусиятларини ҳам намоён қиладилар.