«физика ва астрономия тарихи» ЎҚув фани бўйича таълим технологияси

"Байт ул-ҳикма"нинг таржимонлари, шунингдек, ҳиндлар эришган фан ва маданият ютуқларини ўзида акс эттирган адабиётларни ҳам араб тилига таржима қилиб, араб дунёсини бу билимлар билан таништиришди.
"Маъмун академияси" ҳузурида йирик кутубхона очилган бўлиб, унда халифалик ва қўшни мамлакатлар бўйича нодир адабиётлар жамғарилган эди. Маъмун даврида кутубхонага "Маъмун академияси"нинг кўзга кўринган олими сифатида Хоразмий бошчилик қилди. "Байт улҳикма"нинг кутубхонасидан ташқари икки расадхонаси ҳам бўлиб, улардан бири – Бғдоднинг Шаммосия маҳалласида, иккинчиси – Дамашқ яқинидаги Кассиюн тоғида барпо қилинган эди.
"Донишмандлар уйи"да Хоразмий, асосан, астрономия билан шуҳулланиб, IX асрнинг 20-йилларида ўзининг машҳур астрономик жадваллари – "Зиж"ини ёзди. Унда келтирилган маълумотлардан, Хоразмий вафотидан кейин икки асрдан кўпрқš вақт давомида кўплаб расадхоналар фойдаланиб келди.
Хоразмий "Зиж"и 37 боб ва 116 жадвалдан иборат мукаммал астрономик асардир. Унинг 1–5-боблариўша замонда кенг тарқалган календарга бағишланган бўлиб, Муҳаммад пайғамбар томонидан асосланган мусулмонларнинг ҳижрий эраси ҳамда испан ва Искандар Зулқарнайн эралари ҳақида маълумот беради. Бу эраларнинг биридан иккинчисига ¢тиш усули унда т¢ла ҳисоб-китоби ва жадваллари билан берилган.
Асарнинг 7–12-боблари Қуёш, Ой ва ўша даврда оддий кўз билан кўриш мумкин бўлган бешта сайёранинг ҳаракатини Птолемейнинг геоцентирк системаси асосида тушунтиришга бағишланган.