Физика ўҚитиш методикаси ташкент 2019 Ўзбекистон республикаси олий ва ўрта

Интерфаол методлар ва уларнинг тавсифи
Замонавий таълимни ташкил этишга қўйиладиган муҳим талаблардан бири ортиқча руҳий ва жисмоний куч сарф этмай, қисқа вақт ичида юксак натижаларга эришишдир. Қисқа вақт орасида муайян назарий билимларни ўқувчиларга етказиб бериш, уларда маълум фаолият юзасидан кўникма ва малакаларни ҳосил қилиш, шунингдек, ўқувчилар фаолия-тини назорат қилиш, улар томонидан эгалланган билим, кўникма ҳамда малакалар даражасини баҳолаш ўқитувчидан юксак педагогик маҳорат ҳамда таълим жараёнига нисбатан янгича ёндошувни талаб этади.
Бугунги кунда бир қатор ривожланган мамлакатларда бу борада катта тажриба тўпланган бўлиб, ушбу тажриба асос-ларини ташкил этувчи методлар интерфаол методлар номи билан юритилмоқда. Қуйида таълим амалиётида фойда-ланилаётган интерфаол методлардан бир нечтасининг моҳия-ти ва улардан фойдаланиш борасида сўз юритамиз.


«Фикрий ҳужум» («Мозговая атака») методи
Мазкур метод ўқувчиларнинг машғулотлар жараёнидаги фаолликларини таъминлаш, уларни эркин фикр юритишга рағбатлантириш ҳамда бир хил фикрлаш инерциясидан озод этиш, муайян мавзу юзасидан ранг-баранг ғояларни тўплаш, шунингдек, ижодий вазифаларни ҳал этиш ечиш жараёни-нинг дастлабки босқичида пайдо бўлган фикрларни енгишга ўргатиш учун хизмат қилади. «Фикрий ҳужум» методи А.Ф.Осборн томонидан тавсия этилган бўлиб, унинг асосий тамойили ва шарти машғулот (баҳс)нинг ҳар бир иштирок-чиси томонидан ўртага ташланаётган фикрга нисбатан тан-қидни мутлақо таъқиқлаш, ҳар қандай луқма ва ҳазил-мутойибаларни рағбатлантиришдан иборатдир. Бундан кўз-ланган мақсад ўқувчиларнинг машғулот (баҳс) жараёнидаги эркин иштирокини таъминлашдир. Таълим жараёнида ушбу методдан самарали ва муваффақиятли фойдаланиш ўқитув-чининг педагогик маҳорати ва тафаккур кўламининг кенгли-гига боғлиқ бўлади. «Фикрий ҳужум» методидан фойдаланиш чоғида ўқувчиларнинг сони 15 нафардан ошмаслиги мақсадга мувофиқдир. Ушбу методга асосланган машғулот бир соатга қадар ташкил этилиши мумкин.