Физика фани ўқув хонаси ва лаборатория хоналарининг жиҳозланиш талаблари ва хавфсизлик техникаси қоидалари. Физика фанини ўқитишда кўргазма ва тажрибаларни ўтказиш методикаси

Энг оддий электромагнит қурилмасини йиғиш ва унинг ишлашини синаб кўриш
Керакли асбоб ва материаллар: ток манбаи, реостат, калит, уловчи, симлар, компас, электромагнит йиғиш учун зарур деталлар.
Ишдан мақсад: электромагнит занжир йиғиб, унинг ишлашини ўрганиш.
Ишнинг бажарилиш тартиби:
1. Батарея, ғалтак ва калитдан иборат занжирни йиғинг. Занжирни улаб, компас ёрдамида ғалтакнинг қутбларини аниқланг.

2. Компасни ғалтакнинг ўқи бўйлаб то ғалтакнинг компас стрелкасига кўрсатаётган таъсири озайгунча ғалтакдан узоқлаштиринг. Энди ғалтакнинг ичига темир ўзак қўйиб, электромагнит стрелкасига кўрсатаётган таъсирини кузатинг.

Хулоса чиқаринг:
Тайёр деталлардан тақасимон магнит йиғинг. Электромагнит ғалтакларини ўзаро кетма-кет уланг. Бунда уларнинг эркин учларида турли номли магнит қутблари ҳосил бўлсин. Қутбларни компас ёрдамида текширинг.


Ўзгармас ток электр двигателини ўрганиш (моделда)
Керакли асбоб ва материаллар: ўзгармас ток электр двигатели, гальванометр.
Ишдан мақсад: генераторнинг тузилиши ва ишлашини ўрганиш.
Ишнинг бажарилиш тартиби:
1. Электр двигателининг моделини гальванометрга уланг.
2. Коллекторни айлантириб, унинг магнит майдонида якорга нисбатан оладиган зарур вазиятини топинг ва ўзгармас ток ҳосил қилинганини кузатинг.
3. Гальванометр мусбат ва манфий қутбларини алмаштириб тажрибани такрорланг. Биринчи ва иккинчи тажрибаларни таққослаб, хулоса чиқаринг.

Мавзуга оид топшириқлар

1. 8-синфда бажариладиган лаборатория ишлари сонини ва мавзуларини айтинг.
2. Берилган тарқатма материалдаги кўрсатилган 8- синф лаборатория иши билан танишинг ва таҳлил қилинг. Ўзингиз бу лаборатория ишини мактабда қайси усул билан бажарасиз?
3. 8-синфда қайси лаборатория иши бажарилиши ўқувчиларда қийинчилик туғдиради? Қийинчилиги нимадан иборат?
4.8-синфда қанча намойиш (кўргазма) тажрибалар дастурда кўрсатилаган? Қанчасини сиз дарсларингизда бажарасиз? Бажарган намойиш тажрибаларни номини айтинг.