Физика фани ўқув хонаси ва лаборатория хоналарининг жиҳозланиш талаблари ва хавфсизлик техникаси қоидалари. Физика фанини ўқитишда кўргазма ва тажрибаларни ўтказиш методикаси

Мавзу: Модда тузилиши
1- лаборатория иши: суюқликларда диффузия ҳодисасини ўрганиш. Мақсад:суюқликлар молекулаларининг бир-бирига аралашиб кетишини тажрибада ўрганиш.
Асбоб ва жиҳозлар:150мл ли полипропилен стаканлар рангли суюқликлар.тоза сув

Полипропилен стаканлар	Рангли суюқлик

Ишни бажариш тартиби:

1. 
   Биринчи стаканда ( ярим тўлган ҳолда) тоза сув олинади.
   
2. 
   Иккинчи стаканга рангли суюлик солинади.
   
3. 
   Тоза сув устида рангли суюқликдан озроқ қуйилади.
   
4. 
   Биринчи стакандаги тоза сув рангинингш ўзгаришига эътибор берилади.
   
5. 
   Диффузия натижасида сув рангининг оч рангга кирганлиги кузатилади.
   
6. 
   Биринчи стаканга иккинчи стакандаги рангли суюқликдан кўпроқ қуйилади. .
   
7. 
   Биринчи стакандаги сув рангининг ўзгаришига эътибор бурилади ва содир бўлаётган ҳодиса изоҳланади.
   

Назорат учун саволлар
1.Диффузия ҳодисаси деб нимага айтилади?
2. Қандай моддаларда диффузия ҳодисаси тез кечади?
3. Диффузия ҳодисасига мисоллар келтиринг.
4. Диффузия ҳодисаси қандай амалий аҳамиятга эга?


Мавзу : Қаттиқ жисмларнинг зичлигини аниқлаш


Мақсад: Ўқувчиларни тўғри геометрик шаклли ва шакли нотекис бўлган жисмларнинг зичлигини аниқлаш усули билан таништириш.


Асбоб ва жиҳозлар: электрон тарози,ҳар хил массали ва ҳар хил ҳажмли жисмлар тўплами, ўлчов чизғичи, мензурка, шакли мунтазам бўлмаган жисмлар, сув ва ип.