Fitoterapiya

5. Dalachoy (Hypericum perforatum) Зверобой продырявленный Dalachoy er ustki qismining turli farmakologik ta’sirga spazmolitik, burishtiruvchi, yallig‘lashga qarshi va b ega bo‘lishidan tashqari, uning fitopreparatlari antimikrob ta’sir ko‘rsatadi. Uning spirtli, asetonli va boshqa ekstraktlari yuqori darajada tilla stafilokokklarga va boshqa mikroblar qarshi ta’siri aniqlangan. O‘simlik o‘tidan ekstrakt novoimanin preparati olingan. Preparat asosan grammusbat mikrorganizmlarga shu jumladan, penisillinga turg‘un tilla stafilokokklarga ham ta’sir etadi.
Novoimanin sirtga qo‘llash uchun mo‘ljallangan. Uning 95% etil spirtida tayyorlangan 1% lik eritmasi chiqariladi. Buning 0,1% spirtli eritmasi (1% eritmani distillangan yoki izotonik eritmada suyultiriladi) dermatologiyada yiringli yaralarda (follkulit, chipqon, karbonkul, flegmona, absess) chayish, yuvish va salfetka va doka plikchalarni xo‘llab teriga qo‘yiladi. Novoimanin 1% spirtli holda flakonlarda 10ml-dan chiqariladi.
Bundan tashqari, teri yiringli kasalliklarida kashnichning suvli ajratmasi va efir moyi tarkibidagi aldegidlardan biri hisoblangan sitralning antimikrob ta’siri chipkonda (furunkul) mahalliy ravishda ishlatilganda yaxshi namoyon bo‘lgan.