|
"3x4" usuli (10-15 minut)
Sinf 4 ta guruhga bo’lindi. Har bir guruhga yuqori qismida savol yoki matn yozilgan varaq tarqatadi. Guruhlar ushbu savolning ostiga 3 tadan javob yozadilar va varaqlarini qoldirib, o’zlari 2 guruhning joyiga, 2 - guruh esa 3 - guruhning joyiga, 3-guruh esa 4 guruhning joyiga utiradilar. Shu tariqa, har bir joylarini 3 martadan almashtirib, o’zidan oldingi guruhning javoblariga yana 3 tadan javob qo’shimcha qiladilar. O’z joyiga aylanib kelgan guruh javoblarini umumlashtirib, yakuniy xulosa yasaydi. Guruh sardori o’z guruhiniig javoblarini izoxlab, sharxlab beradilar. Ushbu usulda guruhlar joylarini o’zgartirmasdan 5 savol yozilgan varaqlarni soat strelkasi bo’ylab almashtirishlari ham mumkin.O’qituvchi faol o’quvchilarni baholaydi va dars reja asosida davom ettiriladi
"Videotopishmoq;" usuli ( 5-10 minut)
O’quvchilarga hech bir izohsiz bir nechta videolavha, slaydlar namoyish qilinadi. O’quvchilar har bir lavha qanday jarayon aks ettirilganligini izohlaydilar, jarayonlarning mohiyatini daftarlariga qayd etadilar, o’qituvchi tomonidan berilgan savollarga javob qaytaradilar. Shundan so’ng dars reja asosida davom ettiriladi.
"Matematika olamiga sayohat " darsi
Ushbu usuldan sinfdan tashqari ishlar, matematik kechalar o’tkazishda foydalanishi mumkin. Buning uchun sinf 6 - 7 ta guruhlarga bo’linib, har bir guruh bir o’lka nomi bilan ataldi. Sayohatchilar har bir o’lkaga sayohat qilishganida mazkur o’lkada yashovchi aholi, ya`ni guruh a`zolari o’z o’lkasi haqida to’liq tushuncha berishlari talab etiladi. U taxminan quyidagi sxema asosida bo’lishi mumkin. Matematika o’lkalari:
Arifmetika, Algebra, Geometriya, Allomalar, Bilag’onlar, Jumboq, Tafakkur, Mahorat va San`at kabi o’lkalardan iborat bo’lishi mumkin. Sayohtchilar "Arifmetika" o’lkasiga kelganlarida arifmetika ssssguruhdagilar arifmetika fanining yaratilishi , arifmetikaga asos solgan buyuk matematiklar, arifmetikaning bugungi hayotimizdagi o’rni haqida mehmonlarga tushunchalar berishi kerak. Shu kabi "Bilagonlar" o’lkasiga kelganda, bu guruh a`zolari bugungacha o’rgangan asosiy tushunchalar, bu tushunchalarni kashf qilgan ulug’ allomalar, matematikaning bugungi xayotimizdagi o’rni haqida sayohatchilarga tushuntirishlari kerak. "Jumboq "o’lkasiga kelganda esa, bu o’lka a`zolari krassvord va chaynvordga o’xshagan jumboqlar xaqida tushunchalar berishlari kerak."Tafakkur" o’lkasidagilar dasturdagi qiyin va qiziqarli matematik masalalar va topshiriqlarni sayohatchilarga oson yo’l bilan tushuntirib berishlari talab etiladi. Mahorat va san`at o’lkasidagilar esa matematikaga oid she`rlar, topishmoqlar, qiziqarli sahna ko’rinishlari, qo’shish va raqslar ijro etishlari lozim.
O’qituvchi o’qivchilarning to’g’ri javoblarini topishini o’yin davomida nazorat qilib boradi. Masalaning to’g’ri yechimini topgan guruh sardori uni sinf doskasida barchaga yechib ko’rsatadi. Qaysi guruh, masalani yecha olmagan bo’lsa, "bo’sh guruh" (slaboe zveno) deb e`lon kilinadi va boshqa guruhlardan ushbu masalani yechimini talab qiladi. Qaysi guruh barcha masalalarni to’g’ri yechsa, bu guruh "a`lochi guruh" deb rag’batlantiiladi. Dars reja asosida davom ettiriladi.
“Zakovatli zukko” metodi
Mavjud bilimlarni puxta o‘zlashtirishda o‘quvchlarning fikrlash, tafakkur yuritish layoqatlariga egaliklari muhim ahamiyatga ega. “Zakovatli zukko” metodi o‘quvchlarda tezkor fikrlash ko‘nikmalarini shaklalantirish, shuningdek, ularning tafakkur tezliklarini aniqlashga yordam beradi. Metod o‘z xohishlariga ko‘ra shaxsiy imkoniyatlarini sinab ko‘rish istagida bo‘lgan o‘quvchlar uchun qulay imkoniyat yaratadi. Ular o‘qituvchi tomonidan berilgan savollarga qisqa muddatlarda to‘g‘ri va aniq javob qaytara olishlari zarur. Savollarning murakkablik darajasiga ko‘ra har bir savolga qaytarilgan to‘g‘ri javob uchun ballar belgilanadi. Yakuniy ballarning o‘rtacha arifmetik qiymatini topish asosida tezligi aniqlanadi.
Ballarning belgilanishi o‘quvchlarning shaxsiy imkoniyatlari to‘g‘risida aniq tasavvurga ega bo‘lishlarini ta’minlaydi.
Metod o‘quvchlar bilan yakka tartibda, guruhli va ommaviy ishlashda birdek qo‘llanilishi mumkin.
“Bumerang” texnologiyasi
Ushbu texnologiya o’quvchilarni dars jarayonida, darsdan tashqari turli adabiyotlar,matnlar bilan ishlash,o’rganilgan materialini yodida saqlab qolish, so’zlab berish, fikrini erkin holda bayon eta olish,qisqa vaqt ichida ko’p ma’lumotga ega bolish hamda dars mobaynida o’qituvchi tomonidan barcha o’quvchilarni baholay olishga qaratilgan.
Texnologiyaning maqsadi: O’quv jarayoni mobaynida tarqatilgan materiallaeni o’quvchilar tomonidan yakka va guruh holatida o’zlashtirilib olishlari, bir birlariga o’qilgan axborotlarni to’liq etkazish hamda suhbat munozara va turli savollar orqali tarqatma materiallardagi matnlar qay darajada o’zlashtirilganligini nazorat qilish va baholash.
Do'stlaringiz bilan baham: |
