Фавқулодда вазиятларнинг олдини олиш соҳасидаги давлат сиёсати қандай шаклланади?

ҚШЎМ ҳужжатлари қандай кетма-кетликда ишлаб чиқилади?



Махсус-тактик ўқув машқларини тайёрлаш ва ўтказиш хужжатлари
МТЎМ – тузилмалар командирлари ва шахсий таркибини тайёрлашнинг асосий усули.
Машқларга тайёргарлик машқни бошлашдан бир ой олдин бошланади. Бунда қуйидаги ҳужжатлар ишлаб чиқилади:
- ўқув машқларини тайёрлаш ва ўтказиш тўғрисидаги буйруқ;
- ўқув машқларига тайёргарлик тақвимий режаси;
- ўқув машқларини ўтказиш режаси;
- тақлид режаси.
Ўқув машқларини тайёрлаш ва ўтказиш ҳақидаги буйруқ қатнашчиларни ва зарур ўқув-моддий базани ўз вақтида тайёрлашга имконият туғдириш учун олдиндан ишлаб чиқилиб ўқитилаётганларга етказилади.
Буйруқда қуйидагилар аниқ белгиланган бўлиши лозим:
- ўқув машқларининг ўтказилиш муддати ва жалб этиладиганлар таркиби;
- командирлар ва фуқаро муҳофазаси тузилмалари аъзолари таркибини тайёрлаш тартиби;
- ўқув нуқталарини тайёрлаш муддатлари, иш ҳажми ва масъул ижрочилар;
- моддий-техник таъминот, шу жумладан моторесурслар, ёнилғи, тақлид воситалари;
- ўқув машқларида хавфсизликни таъминлаш бўйича чоралар.
Тақвимий режада кўрсатилади:
- раҳбарнинг ёрдамчисини, командирлар ва тузилмаларнинг барча шахсий таркибини тайёрлаш борасидаги тадбирлар;
- ҳужжатлар рўйхати, уларни яратиш муддати ва бунинг учун масъул шахслар;
- ўқув машқлари ва тақлид жойини тайёрлаш борасидаги тадбирлар;
- алоқа ва комендант хизматини ташкил этиш;
- тайёргарлик даврида барча ишларни ҳар томонлама таъминлаш бўйича тадбирлар.
Тақвимий режа объект раҳбари томонидан тасдиқланади.
Раҳбар ўзининг ёрдамчилари ва воситачилар, хизмат бошлиқлари ва тузилмалар командирларини тайёрлаш, мавзуни, мақсад ва вазифаларини, ўтказиш режасини, раҳбарият ҳужжатлари талабларини ҳамда ўқув машқлари олиб бориладиган жойни тўғри тушунишини таъминлаши зарур.
Мансабдор шахсларни тайёрлаш бўйича асосий иш: ўқув машқлари олиб бориладиган жойда амалга оширилади.
Шароит ўқув машқлари босқичлари бўйича кўриб чиқилади, тузилмаларнинг ҳаракат қилиш тартиби ва тахминий вақти белгиланади, командирлар таркиби томонидан қабул қилинадиган қарорлар мумкин бўлган вариантлари ва тузилмаларнинг ҳаракатлари муҳокама этилади.