«fashion- menejment va marketing»

3.Keng tarmoqli universal magazinlar .

Keng tarmoqli universal magazinlar tarmoqlari xaridorga reteyler savdo belgisi ostida ishlab chiqarilgan buyumlar va uy-ro’zgor uchun jixozlarni taklif qiladilar. Woolworths - bu keng profildagi universal magazinlar tarmoqlari bo’lib, ular tovarlarning noyob assortimentini taklif qiladilar. Garchi uning asosini uy-ro’zgor uchun jihozlar va buyumlar tashkil qilsa ham, bu yerda liboslar ham, xususan, bolalar liboslarining liniyasi Ladybird ham taqdim qilinadi.

Univermaglar. Univermag - bu chakana savdo qiluvchi magazin bo’lib, unda mahsulotlarning juda ko’p turi sotiladi, ammo uning asosini liboslar va uy-ro’zgor predmetlari tashkil qiladi. Tovarlarning ko’p qismi turli brendlarga tegishlidir, ammo bu yerda shaxsiy savdo markasi ostida ham mahsulotlar sotiladi. XX asrning birinchi yarmida univermaglar fashion-reteylerlar sifatida gullab- yashnadilar, ammo 1970-yillarda modadagi mahsulotlarni sotadigan magazinlarning maxsus tarmoqlari paydo bo’lishi bilan ularning mashhurligi pasaya boshladi. Bu magazinlar o’z assortimentlari bilan mashhur bo’lib, bu maxsulotlar turli narx kategoriyalariga ega. Ammo bu savdo nuqtalari bozorning ommaviy va o’rta segmentlariga asoslanadi. Ayrim kompaniyalar, masalan, Debenhams ikki va undan ortik assortimentni taklif qiladi, chunki ular xaridorlarning turli kategoriyalariga yonaltirilgan. Ular assortiment ustida ishlash uchun bayerlarning bir nechta guruhini yollashadi, shuning uchun bir tom ostida turli magazinlar to’plangandek ko’rinadi.

Konsessiyalar. Ko’pgina kompaniyalar konsessiyalarni taqdim qilishadi, ya'ni o’z binolarining ma'lum qismini arendaga boshqa reteylerga berishadi. Ko’pincha magazinning bu qismi o’z shaxsiy imidjiga ega bo’ladi, uning personali esa konsessiyaga ega bo’lgan firma tomonidan yollanadi. Ularning ayrimlari ham o’z shaxsiy alohida magazinlariga ega bo’lishi mumkin.

Supermarketlar. Supermarketlar moda bozorining eng muhim elementiga aylanib bormoqda. Supermarketlar ko’p sonli doimiy mijozlarga ega ekanligidan foydalanishadi, shuning ularning auditoriyasi modadagi maxsulotlarni sotadigan magazinlarning maxsus tarmoqlariga nisbatan kichik magazinlarnikidan juda keng va katta.

Diskaunterlar. Bu kategoriya magazinlari turli brendlar mahsulotlari pasaitirilgan narxlarda sotadi. Unda tovarlar turli razmerlarda alohida anturajsiz joylashtirilgan bo’ladi. Ko’pgina maxsulotlar u yoki bu modadagi assortimentning qoldiqlari bo’lsa, boshqalari brendlar bilan hamkorlikda diskaunter uchun maxsus ishlab chiqariladi.

Autletlar. Autlet - amerikacha tushuncha bo’lib, «savdo qishlog’i» Buyuk Britaniyada 1990-yillarda paydo bo’lgan. Savdo qishloqlari, yoki autletlar, odatda, shahar yaqiniga joylashgan bo’ladi va ular maxsus qurilgan binolardan iborat. Ularda dizayner darajasidagi buyumlar, asosan bozorning o’rta va ommaviy segmentiga yunaltirilgan maxsulotlar pasaitirilgan narxlarda sotiladi. Autletlardagi past narxlarning sababi shundaki, unda sotuvga qo’yilgan tovarlarning ko’pchiligi oldingi mavsumda ishlab chiqarilgan, umuman olganda, modadan qolgan bo’ladi.