Farmon Ergashovich Nurboeyv, Shahlo Shavkatovna Tillоeva, Dilbar Baxriddinovna Raxmatova

Kasallikni  keltirib chiqaruvchi  sabablar 
      Biz    yuqorida  bayon  qilgan    sog’lik,  kasallik  va  sog’lik  ham,  kasallik  ham 
bo`lmagan    hollarning  sabablari  uchtadir:  oldin  keluvchi  sabab,  tashqi  sabab  va 
bog’lovchi sabab.  
      Oldin keluvchi va bog’lovchi sabablar organizmdagi  xilt, mizoj yo tarkibga 
tegishli bo`lgan umumiy sabablardir. 
      Tashqi  sabab  bu-  tanadan  tashqari  narsalar,  masalan,  zarba,  havoning 
issiqligi,   yoki sovuq ovqat kabilar.... 
      Bog’lovchi sabablar bilan holat orasida hech qanday vosita bo`lmaydi.  
      Demak,  oldin  keluvchi  sabablar  gavdaga,  ya`ni  xilt,  mizoj  kabi  tarkibga 
tegishli  sabablar  birinchi  bo`lmasdan,  balki  biror  vosita  orqali  biror  bir    holatni 
keltirib  chiqaruvchi  sabablardir.  Bog’lovchi  sabablar  esa  gavdaga  tegishli  sabab 

---

69 
 
bo`lib, vositasiz ravishda gavda holatlarini birinchi keltirib chiqaradigan sabablardir.  
Tashqi  sabablar  birinchi  bo`lib  ham,  birinchi  bo`lmasdan  ham,  gavdaga  xos,  yoki 
gavdaga xos bo`lmagan holatlarni keltirib chiqaradigan sabablardir. 
      Masalan:    Oldin  keluvchi  sabablarga  misol:  -  isitmani  keltirib  chiqarishda 
xiltlarga to`lalik, kataraktani paydo qilishda ko`z tomirlarining to`lib ketganligi. 
       Bog’lovchi  sabablarga  misol:  -  isitmani  paydo  qilishda  xiltlarning  chirib  
hidlanishi, ko`z  tomirlarida  tiqilma  paydo  qilishda   ko`zning uzumsimon  qatlamiga 
rutubatning oqib tushishi, ko`rlikni keltirib chiqarishda - tiqilmaning paydo bo`lishi. 
      Tashqi sabablarga  misol: - Quyoshning isitishi, kuchli harakat, haddan ziyod 
ko`p    uyqusizlik  yoki  sarimsoqqa  o`xshagan  o`tkir  qizdiruvchi  narsalarni  yeyish 
kabilar. Bularning hammasi isitmaga sababdir. Ko`z qorachig’ining kengayishiga va 
kataraktaga jarohat sabab bo`ladi. 
 
Gavdaga  yetgan  har  bir  sabab  ta`sir  ko`rsata  olmaydi,  balki  yana  3  narsaga  
muhtoj bo`ladi: 
1.Ta`sir qiluvchi bir quvvatdan  boshqa bir quvvatga o’tishi 
2.Gavdaning nafsoniy quvvatidan bir  quvvatga o`tishi 
3.Quvvatlarning bir - biriga qarama-qarshi kelishi. 
      Sabablar  keltirib  chiqargan  narsalariga  nisbatan,  turli  hollarda  bo`ladilar. 
Ko`pincha   sabab  bitta bo`lsa ham, turli gavdalarda  turlicha  kasalliklarda  yoki turli 
vaqtlarda  turli  kasalliklarni  keltirib  chiqargan  bo`ladi.  Biror  bir  sabablarning  ta`siri 
kuchsiz  va  kuchli  odamda,  sezuvchan  va  kam    sezuvchan  odamda  bir  xil 
bo`lavermaydi. 
      Sabablarning  ba`zilari  o`zlaridan  keyin  iz  qoldiradi  va  ba`zilari  iz 
qoldirmaydi.  Iz  qoldiruvchi  sabablar  shunday  sabablarki,    ular  ajralgandan  keyin 
ta`siri  qoladi.  Iz  qoldirmaydigan  sabab  shunday  sababki,  uning  ajralishi  bilan 
kasallik tuzalib qoladi. 

---

70 
 
      Umuman, gavda hollarini o`zgartiruvchi va saqlovchi sabablar  zaruriy  yoki 
zaruriy bo’lmagan jinslardan iborat. Zaruriy  jinslar 6 xil  bo`ladi: 
1.Atrofimizni o`ragan havo 
2. Iste`mol  mahsulotlari 
3.Harakat va harakatsizlik 
4.Nafsoniy harakatlar 
5.Uyqu va uyg’oqlik. 
6.Bo`shalish  va  bo`shalmaslik. 
     Zaruriy  bo’lmagan  jinslar  esa     kishi  tanasi bilan   uchraydigan  narsalardir    -  
havo bular jumlasiga  kirmaydi, chunki u  zaruriydir,  masalan,  hammomga tushish,  
turli xil uqalashlar va boshqalar. 
     Odam tanasi bilan  tashqi tomondan  uchrashib ta`sir qiluvchi  narsalar  ikki 
yo`l bilan  ta`sir qiladi. 1)  U narsalarning  latif qismlari  o`zlaridagi sizilish  va o`tib 
ketish  quvvati bilan gavdadagi  teshiklarga kirib  ketadi,  yoki  a`zolar  ularni tana  
teshiklari  orqali   tortib  oladi,   yoki shu    ikkala  holat   bir-biriga    yordam  beradi    2) 
Ular  gavda    bilan    hech  bir  aralashmasdan    faqat  uni  o`zgartiradigan    kayfiyatlari  
bilangina    ta`sir    qiladilar,    bu  kayfiyat    amalda    bo`ladi,  masalan,    sovituvchi  
surtmalar    amalda  sovutadi  va    isituvchi    surtmalar  amalda  isitadi  yoki    qizdirib  
qo`yiladigan   narsalar  amalda  qizdiradi; yoki u kayfiyat  quvvatda  bo`ladi ,  lekin 
tug’ma    issiqlik    unda  ta`sir  qiluvchi    quvvatni    qo`zg’atadi  va  uni    amaldagiga  
aylantiradi;  ba`zan  esa  o`z  xususiyati bilan  ta`sir  ko`rsatadi. 
      Badanga    tekkanda    o`zgartirib  ,  yeganda    o`zgartirmaydigan    narsalarga 
misol  piyoz bo`lib, uni tashqaridan  bog’laganda  yara qilib,  ichdan yara qilmaydi.  
Buning  teskarisicha  ta`sir qiladigan  narsalarga  misol qo`rg’oshin   upasi bo`ladi, 
chunki    u  ichilsa,   katta  o`zgarish      yasab,    ustdan  surtilganda      hech  qanday  ta`sir  
ko`rsatmaydi.  Ba`zi bir narsalar  ikkala tomondan  ham ta`sir  ko`rsatmaydi. 

---

71 
 
    Ta`sir  ko`rsatishlarning    sababi  quyidagi    oltitaning    biri  bo`lishi  mumkin,  
birinchi sabab shuki,  piyoz kabi  narsalar gavdaning  ichiga kirsalar, hazm qiluvchi  
quvvat uni parchalashga  va uning  mizojini  o`zgartirishga shoshiladi  va unga o`z 
ta`sirini  ko`rsatib ichni yara qilish  muddatigacha sog’lom qilmaydi.  Ikkinchi sabab 
shuki,  ularning  boshqa  narsalar  bilan    aralashtirilgan  holda    yeyilishlaridir.   
Uchinchi  sabab,    gavdadagi  ovqat  idishlarida    ularning  turli  suyuqliklar    bilan 
ko`mib yuborilishi  va kuchlarining   sindirilishidan  iborat.  To`rtinchi sabab shuki,  
unday narsalar  gavda tashqarisida  faqat bir joyda turadi,  ichkarisida   esa ko`chib 
yuradi.  Beshinchi  sabab  shuki  -  tashqari  tomondan    ular  qattiq  yopishadi,  ammo  
ichkaridan  esa  yopishmasdan  faqat tegib turadi.  Oltinchi  sabab  esa  narsa  gavda 
ichkarisida      paydo  bo`lgandan      keyin  tabiiy    quvvat  uning    tadbirini    o`z  qo`liga 
oladi    va  u    narsaning    chiqindilari      to`xtalib    qolmasdan      chiqarib  tashlanadi,  
yaxshilari esa   qonga aylanadi. 
     Masalan,  piyozni  qo`rg’oshin  upasidan      farq  qildiruvchi    sabab  shuki,  
qo`rg’oshin upasining  bo`laklari  g’aliz bo`lib,  tashqi tomondan  badan teshiklariga  
kira olmaydi va  kirsalar ham  ruh  o`tadigan yo`llar va  boshqaruvchi  a`zolargacha  
yetib    borolmaydi,    agar  u  yeyilsa,    ish  buning    teskarisicha    bo`ladi.  Shuningdek,  
qo`rg’oshin  upasidagi   zaharli tabiat  bizdagi  tug’ma issiqlikning  unga nihoyatda  
kuchli  ta`sir   qilganidan   keyingina   qo`zg’aladi.   Bu  xil  ta`sir    esa  faqat   tashqari 
tomondan  uchrashish bilangina  hosil bo`lmaydi. 
        Odatda kasalliklarning ba`zilari sodda, ba`zilari esa murakkab bo`ladi. 
       Sodda  kasalliklar  -  mizoj  kasalligi navlari  yoki   tarkib buzilishi kasalliklari  
turlaridan biri    uchraydigan   bir xil kasalliklardir.  
       Murakkab  kasalliklar  -  ularda  kasallik  turlaridan  ikki  va  undan  ortig’i 
to`planib, bir nechta  kasallikni hosil qiladi.