Farmon Ergashovich Nurboeyv, Shahlo Shavkatovna Tillоeva, Dilbar Baxriddinovna Raxmatova

Labning yorilishi 
Lab yorilishlarini davolashda kerakli dorilar burishtirish, quritish va 
yumshatish xususiyatiga ega bo’lgan dorilardir. Bunga ishlatiladigan foydali 

---

243 
dorilarning biri katiro bo’lib, uni og’izga olib til bilan aylantirib turiladi. Lab 
yorilganda kindikni va orqa teshikni yog’lab turish, tarrakning bir bo’lagini 
boshqa bir bo’lagiga ishqalashdan hosil bo’lgan ko’pikni yorilgan joyga surtish 
foydali tadbirlardandir. Unga Sabiston olxo’risining suvi, yo arpa suvi, yoki 
ispaqul shirasini ham surtiladi. Yog’li narsalardan qaymoq, ilik yoki turli yog’lar
asal bilan qo’shilgan buzoq va g’oz yog’lari, saqich daraxti urug’ining yog’i, 
yoki tuxum oqi va un, ayniqsa yovvoyi yasmiq donining uni bilan qo’shilgan gul 
yog’i, hamda gul yog’i bilan tayyorlangan mum yog’lari surtiladi. Ba'zan mum 
yog’iga kuydirilgan qo’rg’oshin ham qo’shiladi. 
Yanchilgan mozi, qalay upa, kraxmal, katiro, tovuq yog’i, shuningdek yanchilib 
sirka bilan qo’shilgan mozi, yana mastaki, saqich, zufo va asal lab yorilishiga 
qarshi ishlatib sinalgan dorilardandir. Ularni malhamdek qilib ishlatiladi. Shunga 
o’xshash kuydirilgan qo’rg’oshin, shodana va tok ildizidan yarim bo’lakdan, 
dahna toshidan yarim bo’lak, quritilgan echki tuyog’i va za'faronning har 
biridan uch bo’lak, kofurdan olti bo’lak olinadi va ularni olti bo’lak mum va o’n 
olti bo’lak gul yog’i bilan qo’shib ishlatiladi. Shuningdek, bon yog’ida yoki 
sitron yog’ida eritilgan anbardan to’rtdan bir bo’lakni olib mum yog’i qilib 
ishlatiladi. Labi yorilgan kishining ovqati pochalar yeki chala pishirilgan tuxum 
bo’ladi.
Labda bo’ladigan shish va yaralar 
Bularni davolashni ko’paygan xiltni bo’shatishdan boshlash kerak. Keyin o’sha 
joyga maxsus dorilar ishlatiladi. Labdagi shishlarning hukmi tish milkidagi 
shishlarning hukmiga yaqindir. Lekin bularda bir oz kuchliroq doriga qattiq 
ehtiyoj tushadi. 
Labdagi yaralarda ishlatiladigan mahalliy dorilarga kelsak, ularni halila, huzaz, 
gul urug’i, sarv yong’og’i va kurkum ildizi kabi burishtiruvchi narsalardan 
tayyorlanadi. Ba'zan u dorilarga dahna toshi, echkining kuydirilgan tuyog’i, 

---

244 
kuydirilgan kaklik o’ti, qorakuya va ushna ham solinadi. Lab shishlari va 
yaralariga ishlatiladigan yog’lar esa o’rik va hind yong’og’ining yog’idir
Lab bavosiri 
Labdagi bavosirga temir to’poli, qo’rg’oshin upa, kuydirilgan qo’rg’oshin, 
za'faron va achchiqtoshlardan barobar bo’laklarni olib, ularni mum va hind 
yong’og’ining yog’i yoki bodom yog’i bilan qo’shib marham tayyorlanadi.