Bog'liq Farmatsevtik ishlab chiqarishda ishlatiladigan asbob uskunalar va qurilmalar
Ish joylarining xavfsizligi yuzasidan talablar Farmatsevtik ishlab chiqarishda doimiy ish joylari tegishli mebellar (yozuvlar uchun qulay stol, stullar, ish va avariya asboblari uchun shkaf), kerakli yakka tartibdagi himoya vositalari, tibbiy aptechka, ishlab chiqarish yo’riqnomalari to’plami hamda yong’in xavfsizligi bo’yicha yo’riqnoma bilan jihozlanishi lozim.
Sexlarda ish joylari, yo’laklar va transport uchun o’tish joylarini xom ashyo, yarim tayyor va tayyor mahsulotlar hamda turli xil buyumlar bilan to’sib qo’yish mumkin emas.
Texnologik uskunalarni ichki ko’rikdan o’tkazish va tozalash uchun mo’ljallangan darchalar to’silmagan bo’lishi zarur.
Metall korroziyasini yuzaga keltiruvchi idishlar har 12 oyda ichki ko’rikdan va
sinovdan o’tkazilishi shart.
Ta‘mirlashdan, ichki ko’rik va sinovdan o’tkazishdan oldin portlash jihatidan xavfli va toksik moddali apparatlarni yuvish va havo yordamida tozalash uchun suv, bug’ yoki inert gaz tarmoqlarini ulash uchun shtutserlar nazarda tutilgan bo’lishi kerak.
Idish bilan saqlagich klapani o’rtasida qulflash qurilmasi bo’lmasligi lozim.
Saqlagich qurilmalari va zaharli, yonuvchan yoki portlash jihatidan xavfli bo’lgan gazlar bosimi ostida ishlash uchun mo’ljallangan statsionar idishlar o’rtasida o’chirish-yoqish kranini o’rnatish mumkin, bunda o’chirish-yoqish krani idishni ikkita saqlagich qurilmalari bilan birlashtiradigan shtutserda montaj qilinishi va kran probkasining istalgan holatida saqlagich qurilmalaridan bittasi yoki ikkovi idish bilan ulangan bo’lishi shart.
Saqlagich klapanlarining umumiy soni belgilangan tartibda hisob-kitob qilish yo’li
bilan aniqlanadi.
Saqlagich klapanlari ko’rikdan o’tkazish uchun qulay bo’lgan joylarga joylashtirilishi lozim.
Saqlagich klapanlari yonuvchan va toksik mahsulotli apparatlarga (quvurlarga) o’rnatilganda ular imkon qadar kam holatda ishga tushishini ta‘minlovchi choralar ko’rilishi lozim.
Zaharli bug’lar va gazlar asosida ishlovchi apparatlarda o’rnatilgan klapanlardan chiqadigan va havodan og’ir bo’lgan chiqindilar chiqindi mahsulotlarini ishlab chiqarishga qaytarish imkonini beruvchi maxsus yopiq tizimga yuborilishi lozim. Chiqindilar maxsus shimib olish qurilmasida zararsizlantirilganidan so’ng atmosferaga tashlanishi mumkin.
Saqlagich plastinasi (membranasi) saqlagich klapanidan oldin, ular o’rtasida plastina sozligini nazorat qilish imkonini beruvchi qurilma bo’lgandagina o’rnatilishi mumkin.
Barcha saqlagich plastinalarida zavod tamg’asi bo’lishi va unda plastinani ochuvchi
bosim ko’rsatilgan bo’lishi shart.
Korroziya belgilari, egik, qirilgan joylari va boshqa mexanik shikastlanishlar mavjud
bo’lgan saqlagich planstikalarini o’rnatish taqiqlanadi.
Portlovchi plastinalar (membranalar) o’rnatilishida xonaga zararli va portlash jihatidan xavfli gazlarning ajralish va membrana ishlab ketgan taqdirda uchqun chiqishi hamda uning parchalari va qismlaridan jarohatlanish ehtimolini istisno etish choralarini ko’rish zarur.
Yorilib ketadigan membranalarning o’rnatilganligi tegishli daftarda qayd qilinishi va mas‘ul shaxsning imzosi bilan tasdiqlanishi lozim.
Barcha bosimli idishlarda sath ko’rsatgichlar va novlar to’lib ketishiga yo’l qo’ymaydigan saqlagich qo’yish quvurlari bo’lishi shart.
Idishlarni tez o’t oluvchan suyuqliklar bilan erkin quyilib tushayotgan oqim usulida
to’ldirish taqiqlanadi.
Gazlarni komprimirlashtirish uchun maxsus maqsadli kompressorlardan foydalanish lozim.
Avtoklavlarni o’rnatish va ulardan foydalanish hamda avtoklav o’rnatilayotgan maxsus xonani (avtoklavxonasini) loyihalashtirish va undan foydalanish qonun hujjatlarida belgilangan tartibda amalga oshiriladi.
Avtoklavlardan foydalanishda: xavfsiz harorat rejimini (avtoklavlar devorchasi haroratining oshish va pasayish joiz
tezliklarini) o’rnatish; avtoklavlarni ishga tushirish va to’xtatish jarayonida issiqlik joyining o’zgarish imkonini ta‘minlash va qo’zg’aluvchan tirgaklari qisilib qolgan joylari mavjud bo’lmasligini nazorat qilish; avtoklavlar ishga tushirilganida va ishlash jarayonida avtoklavlardan kondensatning uzluksiz ta‘minlanishi;
Har to’rt yilda kamida bir marta barcha payvandlangan choklarni va chok zonasi yonidagi metallni (magnitli-kukunli defektoskopiya yoki boshqa zarar etkazmaydigan usulda) to’liq tekshiruvdan o’tkazish; avtoklavlarning holati avtoklavlardan xavfsiz foydalanish uchun mas‘ul bo’lgan shaxslar tomonidan har kuni nazorat qilinishi va ushbu maqsad uchun mo’ljallangan maxsus daftarga tegishli yozuvlar qayd qilinishi ta‘minlanishi zarur.
