Farmatsevtik ishlab chiqarishda ishlatiladigan asbob uskunalar, qurilmalar va ularga qo‘yilgan talablar

Ishlab chiqarish uskunalarini joylashtirishda xavfsizlik shartlari .Uskunalar quyidagi maqsadlarni ko’zlagan holda joylashtirilishi kerak: boshlang’ich xom ashyo, materiallar oqimini optimizatsiyalash, xodimlarning bir joydan boshqa joyga o’tish zaruratini imkon qadar kamaytirish; dori-darmon vositalarini ishlab chiqarish jarayonida ularning ifloslanish imkoniyatini
bartaraf etish;
turli xil mahsulotlar aralashib ketishi yoki ishlab chiqarish bosqichlarining o’tkazilmasligi
xavfini bartaraf etish;
uskunalarni yuvish, ishlash, ulardan foydalanish va xizmat ko’rsatish ishlarini
osonlashtirish; maydondan oqilona foydalanilishini ta‘minlash;
tashkil etilayotgan ish joylari mehnatni muhofaza qilish me‘yorlari va qoidalari talablariga muvofiq bo’lishi.
Uskunalarni o’rnatishda:
ishchilarning doimiy turish joylarida xamda boshqarish joyida xizmat ko’rsatish bo’ylab asosiy yo’laklar — 2 metr; mashinalar, idishli apparatlar, mahalliy o’lchov vositalariga xizmat ko’rsatish bo’ylab asosiy yo’laklar — 1,5 metr;
apparatlarga xizmat aylanasiga ko’rsatilishi zarur bo’lsa, apparatlar o’rtasidagi hamda apparatlar bilan xona devorlari o’rtasidagi yo’laklarning kengligi — kamida 1 m; apparatlar va asboblarni ko’rikdan o’tkazish va davriy asosda tekshirish hamda rostlash uchun yo’laklarning kengligi – kamida 0,8 metr;
alohida turuvchi nasoslar o‗rtasidagi yo‗laklarning kengligi — kamida 0,8 metr; pol sathidan 0,6 metr va undan ko’pni tashkil etadigan balandlikda joylashgan maydonchalar, o’tish ko’prikchalari, zinalar, o’rachalar, bostirmalardagi teshiklar balandligi — 0,9 metr, pastidan — 0,14 metr bo’lgan uzluksiz qoplamali panjara bilan to’silgan bo’lishi lozim.