Farmasevtikada boshqaruv fanidan o‘quv-uslubiy majmua

Farmasevtika marketingi mikromuhitini tahlil kilish
Sog‘liqni saqlash tizimida farmasevtika bozorini tahlil qilish, davolash-profilaktika muassasalari joylashgan muhitning xususiyatlarini atroflicha va mukammal o‘rganish hamda baholashni tushunish lozim.
Farmasevtika marketingi mikromuhiti – bu bitta farmasevtika tashkiloti chegarisi doirasida faoliyat yurituvchi ob’ektlar majmuasidir, masalan, “Abidov” XK, “Active Asia Gold” MChJ, “Adroit Trader” MChJ, “Agro bio kimyo” MChJ, “Aktash” XK, “Asia Trade” QK, MChJ, “Asklepiy-svift” QK, MChJ, “Avicenna” MChJ, “Biomir” MChJ, “Codepharm” XK, MChJ hamda ilmiy-amaliy markazlar va boshqa poliklinikalar, shifoxonalar yoki kasalxonalar.
Farmasevtika marketingi mikromuhitini tahlil qilishda aniq bitta davolash-profilaktika muassasasining ish faoliyati davomida bevosita ish yuritishga to‘g‘ri keladigan quyidagi omillarni chuqurroq va batafsil o‘rganishni talab etadi.
1. Ulgurji farmasevtika firmalari, ta’minotchilar.
2. Tibbiy xizmat.
Ulgurji farmasevtika firmalari – “Adina-med” MChJ, “Antares management” MChJ, “Apollo Pharm Trade” XK, “ASKLEPIY” Firmasi, “Astor Alliance MChJ, “ATM-partners” MChJ, “Baraka dori farm XK, MChJ ulgurji farmasevtika firmalari va uning raqobatchilarining yetarli ulgurji xizmatlarni ishlab chiqarishi uchun moddiy resurs va moliyaviy mablag‘lar bilan ta’minlovchi ayrim farmasevtika tashkiloti yoki alohida jismoniy shaxslar hisoblanadi. Masalan, markaziy dorixona omborxonasi, tibbiy buyumlar va tibbiy texnikani sotish bilan shug‘ullanuvchi vositachilar, davolash-profilaktika muassasalarni o‘zi ham tibbiy xizmat ta’minotchisi hisoblanadi.
Raqobatchilar – farmasevtika bozoriga dori vositalari, tibbiy buyumlar, tibbiy texnikani ishlab chiqaradigan farmasevtika korxonalari hamda tibbiy xizmatlarni bajaruvchi boshqa davolash-profilaktika muassasalardir.
Raqobatga bardosh berishda ayrim davolash-profilaktika muassasalari yoki professionallar o‘rtasidagi raqobat, bitta savolga javob izlashlari lozim bo‘ladi, u ham bo‘lsa, raqobotchilarimiz tavsiya etayotgan xizmatdan, bizning xizmatimizning ustunligi nimada?
Yuqorida keltirilgan bozorlarning har biri segmentlarga bo‘linishi mumkin. Davolash-profilaktika muassasalari har bir mutaxassislarga ayonki xizmat yoki dori vositalari birdaniga hamma iste’molchilarga yoqib yoki to‘g‘ri kelib qolishi mumkin emas. Shuning uchun ham ular bozorning ma’lum bir segmentga xizmat ko‘rsatishni ko‘zda tutadilar. Har bir sotuvchilar, iste’molchilar, bemorlarga yaxshi xizmat ko‘rsatish uchun eng yaxshi segmentlarni egallashga harakat qiladilar.
Hududiy, demografik, respublika, mintaqa, viloyat, shaharlar, tumanlar, qishloqlar, psixografik o‘zgarishlar, davolash-profilaktika muassasalari amaliyotida tibbiy xizmat ma’lum sohasi bo‘yicha ayrim segmentlarni aniqlash katta ahamiyat kasb etadi. Shunday qilib, farmasevtika bozorini hududiy segmentlash tamoyili bo‘yicha 11 xilga bo‘linadi.
Bozorni demografik segmentlash tamoyili bo‘yicha quyidagi demografik o‘zgaruvchilar, jinsi, yoshi, oila, yashash joyi va hokazalar asosida segmentlanadi. Bu ko‘rsatkichlar yengilroq hisoblanadi.
Psixografik segmentlash tamoyili bo‘yicha tibbiy xizmat, iste’molchilar, bemorlar, jamiyat sinfi, turmush tarzi yoki shaxsiy tavsifiga mansublik belgilariga mos ravishda guruhlarga bo‘lingan holda bozor segmentlanadi.