Farmasevtikada boshqaruv fanidan o‘quv-uslubiy majmua

Tibiiy muhit
Tibiiy muhit jamiki landshaft, ya’ni ni manzara va atrof-muhitning ifloslanishi quyidagi holatlarga bog‘liq.
– xomashyoni oqilona ishlatish darajasi;
– qayta ishlab chiqarishga imkonsiz tabiiy resurslardan foydalanish miqdori
– ozon qatlamining kamayishi va natijada issiqxona effektining vujudga kelishi.
Yo‘nalishlarning har bir muayyan ko‘rsatkichlari orqali atrof-muhitning u yoki bu tomonini tasniflash mumkin. Shu bilan birga bular farmasevtika marketingi kuchlarining ta’siriga ham ega.
Umumiy yondashuv jixatdan tabiiy muhitning o‘zgarishi quyidagi omillar atrofida ro‘y beradi, xomashyoning tanqisligi, energiyaning qimmatlashishi, atrof-muhitning ifloslanishi va tabiiy resurslarning davlat tomonidan muvofiqlashtirilishi.
Farmasevtika marketingi muhiti
Farmasevtika marketingi muhiti deganda, dori vositalarini ishlab chiqaruvchi farmasevtika korxonalari, ulgurji va chakana dorixonalar faolyatiga ta’sir ko‘rsatuvchi ijtimoiy, iqtisodiy, siyosiy va huquqiy omillar majmui tushuniladi. Farmasevtika marketingida ichki va tashqi muhitlar farqlanadi. Dori vositalarini ishlab chiqaruvchi farmasevtika korxonalari, ulgurji va chakana dorixonalar faoliyatidan chetda, yani farmasevtika bozoridagi mavjud omillar farmasevtika marketingining tashqi muhitini vujudga keltiradi. Hukumat, iqtisodiyot, iste’molchilar, texnologiya, ommaviy farmasevtika axboroti vositalari, raqiblar va vositachilar, ana shular jumlasidandir. Tashqi muhit omillari dori vositalarini ishlab chiqaruvchi farmasevtika korxonalari, ulgurji va chakana dorixonalar tomonidan boshqarila olmaydi, lekin dori vositalarini ishlab chiqaruvchi farmasevtika korxonalari, ulgurji va chakana dorixonalar o‘z farmasevtik faoliyatida tashqi sharoitga moslashishi va uni hisobga olishi kerak bo‘ladi.
F. Kotler marketingning tashqi va ichki muhitini makro va mikromuhit tarzida ifodalaydi. Mikromuhit firmaning o‘ziga yoki uning iste’molchilar, bemorlariga xizmat ko‘rsatish imkoniyatlariga bevosita aloqador bo‘lgan omillar bo‘lsa, makromuhitning esa mikromuhitga ta’sir ko‘rsatadigan juda keng ijtimoiy darajadagi kuchlar, demografik, iqtisodiy, tabiy, texnikaviy va madaniy omillar tashkil etadi.