Farmasevtikada boshqaruv fanidan o‘quv-uslubiy majmua

reglamentlangan (masalan, ishga qabul qilishda —ma’lum namuna— reglament bo‘yicha suhbat o‘tkazish). Rahbarning ishida kadrlarni tanlash o‘ta muhim masaladir. Vakant o‘ringa eng yaxshi nomzodni tanlash bo‘yicha suhbatlarni muvaffaqiyatli o‘tkazish uchun, bir qismi suhbatdan oldin, bir qismi suhbatdan keyin to‘ldiriladigan formulyarni oldindan tuzib chiqish tavsiya etiladi.

maqsadli yo‘naltirilgan, masalan intizom bo‘yicha suhbat. Bunday suhbatning asosiy vazifasi, unga yaxshilab tayyorgarlik ko‘rgan holda, gunohkor hamkasabaning samarali ishlashi va bundan keyin o‘zini yaxshi tutishidan iboratdir. Ishonchliylik muhitining yaratilishi muhim ahamiyat kasb etadi: xodimni faqat qabul qilingan qarorning to‘g‘riligiga ishontirish emas, balki keyingi harakatlarning dasturini va uni amalga oshirish muddatlarini kelishish lozim. Ma’lum muddat o‘tganidan keyin takroran suhbat o‘tkazish zarur;

muammoli suhbat (masalan, aniq bir muammoni hal qilish uchun ortirilgan tajriba va bilimlarning yetishmasligi sababli o‘tkaziladigan va jamoa hamkorligining samaradorligini oshirishga qaratilgan suhbat).

Ish bo‘yicha suhbatni o‘tkazish jarayoni bir nechta asosiy bosqichlardan tarkib topadi:
1 bosqich — tayyorlov bosqichi, unga maqsadni belgilab olish; sherikning manfaatlarini hisobga olgan holda muhokama etiladigan masalalarning doirasini aniqlash; sherik haqidagi taqdimnomalarni shakllantirish (shaxsning tavsifnomasi, xizmat mavqei, yon-atrofdagilari bilan munosabati, ularga ko‘rsatadigan ta’siri, jamoatchilik faoliyati, odatlari, qiziqishlari, bilim-donligi, xohish-istaklari, hayotiy nuqtai nazari va boshqalar); suhbatni o‘tkazish joyi va vaqtini kelishish; maqsadga erishish strategiyasini va suhbatni o‘tkazish taktikasini ishlab chiqish (batafsil rejani tuzish);
2 bosqich — asosiy, salomlashish va birinchi taasurotlarni anglab yetishdan boshlanadi. So‘ngra muammo muhokama qilinadi, bunda psixologik keskinlikning bo‘lmasligi, suhbatda ijobiy natijaga erishining zaruriy sharti bo‘lib hisoblanadi.
3 bosqich — xulosaviy, yakunlarni chiqarish.
Ish bo‘yicha suhbatning muvaffaqiyatli o‘tkazilishi ko‘p jixatdan unga, tayyorgarlikko‘rilishiga bog‘liq bo‘ladi. Ish bo‘yicha suhbatlarning rejasini tuzish - bu mantiqiy bog‘langan sxemani yaratish deganidir, har qanday suhbat unga muvofiq tarzda ishlab chiqiladi va amalga oshiriladi.
Ish bo‘yicha suhbatning namunaviy ish rejasi quyidagi bandlarda tarkib topishi mumkin.