Farmakologiya

Sulfanilamid  preparatlarining samarali davo ko‘rsatishi
ularning mikroblarga ta’sir etish doirasiga va dorini to‘g‘ri
tanlashga bog‘liq bo‘lib qolmasdan, dorilarning fizik-kimyoviy
xossalariga, farmakokinetikasiga va tanaga yuborish yo‘llariga
ham bog‘liq. Shularni e’tiborga olib, ular quyidagi guruhlarga
ajratiladi:
— me’da-ichakdan yaxshi so‘riladigan;
— to‘qimalarda yuqori va doimiy konsentratsiyada hosil
bo‘ladigan;
— butun tanaga keng miqyosda tarqalib ta’sir etib, peshob
bilan chiqib ketadigan sulfanilamidlar.
S u l f a p i r i d a z i n   (Sulfapyridasinum) shular jumlasidan.
0,5 g dan tabletka holida ishlab chiqariladi. Sxema bo‘yicha
buyuriladi.
S u l f a t s i l   n a t r i y  (Sulfacylum-natrium). 20% li eritmasi
1,5 ml dan tomchi-tubiklarda, 30% li eritmasi 5 ml dan flakon
va ampulada; ko‘z tomchisi sifatida 10, 20, 30% li eritma va
surtma holida ishlab chiqariladi.
B a k t r i m   ( s u s p e n z i y a )  (Suspensi Bactrim). Òarkibida
(5 ml da) sulfametoksazol-3 (p-aminobenzol-sulfamido)-5-
metilizoksazol)-pirimidin— 0,04 g bor. 100 ml dan flakonda
ishlab chiqariladi. Ovqatdan keyin ichiladi, dozasi bolaning
yoshiga qarab belgilanadi (6 haftadan 5 oylikkacha 1—2 choy
qoshig‘ida kuniga 2 marta; 6 oylikdan 5 yoshgacha — 1 choy
qoshig‘idan kuniga 2 marta; 5—12 yoshgacha 2 choy
qoshig‘idan kuniga 2 marta).
B i s e p t o l   (Biseptolum). Òarkibida trimetoprim — 0,08 g,
sulfametoksazol 0,4 g bor. 0,48 g, 0,12 g dan tabletkada,
9,6% li eritmasi 5 ml dan ampulada ishlab chiqariladi. Katta
yoshdagilarga 2 tabletkadan kuniga 2 marta ovqatdan keyin
beriladi. Bolalarga yoshiga qarab sxema bo‘yicha buyuriladi.
„S u l f a t on “ (Sulfatonum). Òarkibida sulfamonometoksin
va trimetoprim (2,5:1) saqlaydi. 0,35 g dan tabletka holida ishlab
chiqariladi. Sxema bo‘yicha beriladi (Biseptolning analogi
hisoblanadi).

---

330