Farmakologiya

Laktotrop gormon sut bezlari rivojlanishi va laktatsiyani
kuchaytiradi. 198 ta aminokislotadan tashkil topgan oqsil.
Laktin preparati qoramollar giðofizidan olinib, tug‘uruqdan
keyingi emiziklik davrida sut ajralishini oshirish maqsadida
beriladi.
Melanostimullovchi gormon giðofiz o‘rta bo‘lagida ishlab
chiqariladi. U ko‘rishni, qorong‘ilikka moslashishni yaxshilaydi.
Mollar giðofizidan olingan giðofizning orqa bo‘lagidan ishlab
chiqariladigan gormon preparat intermedin oftalmologiya ama-
liyotida qo‘llaniladi.
Giðofizning neyrosekretor hujayralaridan oksitotsin va
vazopressin gormonlari ishlab chiqariladi. Oksitotsinning ta’siri,
asosan, bachadon mushaklariga qaratilgan bo‘lib, ritmik
qisqartiradi. Bu gormon homiladorlik davrining oxirida o‘z
ta’sirini ko‘rsatib, tug‘ish jarayonining tezlashuvini ta’minlaydi.

---

283
Vazopressin gormoni ikki xil ta’sirga ega bo‘lib, qon tomir
devoridagi silliq mushaklar tonusini oshiradi va buyrak
kanalchalarida birlamchi suvning qayta shimilishini ta’minlaydi.
Shuning uchun ham bu gormon antidiuretik gormon (ADG)
deb ataladi. Ushbu gormon quruq pituitrin shaklida hidlash
yo‘li bilan qandsiz diabet kasalligida qo‘llaniladi. Kortikotro-
pinning, asosan, qoramol giðofizidan tayyorlangan preparati
inyeksiya uchun, kortikotropin kukun holida flakonda 10, 20,
30, 40 ÒB dan ishlab chiqariladi. Yuborishdan oldin osh
tuzining izotonik suyuqligida eritiladi, muskullar orasiga bir
kecha-kunduzda 3—4 marta yuboriladi.