Farg`ona Davlat Universiteti Тabiiy fanlar fakulteti

Farg`ona Davlat Universiteti
Тabiiy fanlar fakulteti
5A140501 “ Kimyo (fan yo’nalishlari bo’yicha) “ mutaxassisligi magistranti Saminova Hilola Abdukarim qizining “Kunjut kimyoviy tarkibini o’rganish” mavzusida magistr akademik darajasini olish uchun yozgan magistrlik dissertatsiyasiga
Xulosa
O‘simliklar tabiiy birikmalarning bitmas tuganmas manbasi sifatida e’tirof etilgan. Mazkur dissertatsiya Sesamum Indicum L. o’simligi urug’idan kunjut moyini hamda moy tarkibini tahlil qilishga bag‘ishlangan bo‘lib, kirish qismi, adabiyot qismi, tajriba qismi, xulosalar va adabiyotlar ro‘yxatidan iborat bo‘lib, uni oldindan belgilangan maqsad va vazifalar, mukammal reja asosida bajarilgan. Ushbu kunjut moyi va uning tabiiy birikmalarining foydali xususiyatlari ko‘plab jiddiy kasalliklar oldini olish va ularni yengishga yordam beradi. Sanoatda Sesamum Indicum L. urug’i inson faoliyatining turli sohalarida – oziq-ovqat sanoatida, tibbiyotda, farmakologiyada, kosmetologiyada, sovun tayyorlashda va texnik maqsadlarda – bo’yoq va moylash moylarida qo’llaniladi. Bu o’simlikning urug’i ko’plab foydali xususiyatlarga ega.
Saminova Hilola dissertatiya rejasida belgilangan barcha bandlarni bajardi. To‘plangan ma’lumotlarni umumlashtirib tahlil qila oldi. Saminova Hilola magistrlik dissertatsiyasini bajarish davomida magistr sifatida shakllanganligini isbotladi. Sesamum Indicum L. o’simligidan ajratib olingan kunjut moyini kimyoviy tarkibi va xossalari yoritib o‘tildi. Ajratib olingan birikmalarning miqdoriy tahlilini o‘rganish natijalari keltirib o‘tildi. Olingan birikmalar tibbiyotda farmokologik xususiyatlari adabiyotlardan o’rganildi. Dissertatsiyaning tajriba qismini ham bajarib, natijalarni yoritib berdi. Dissertatsiya ishining natijalari kelgusida tabiiy birikmalarni kimyoviy tarkibini o‘rganishda katta hissa qo‘shadi deb hisoblayman.
Saminova Hilolaning “Kunjut kimyoviy tarkibini o’rganish” mavzusidagi dissertatsiya ishini himoyaga tavsiya etaman. Bitiruvchi Saminova Hilola bilim va ilm nuqtai nazaridan himoyaga tayyor deb hisoblayman.
FarDU kimyo kafedrasi
k.f.b.f.d.: O.M.Nazarov